धादिङको थाक्रेमा क्यानोनिङ महोत्सव हुने

  •  
  •  
  •  
  •  
  •  
  •  
  •  

काठमाडौं , ३ जेठ । नेपाल क्यानोनिङ एसोसियसनले यही  जेठ २५ र २६ गते क्यानोनिङ महोत्सव आयोजना गर्ने भएको छ ।

एसोसियसनले धादिङको थाक्रे गाउँपालिका वडा नम्बर ६ मा रहेकाे रानी झर्नामा क्यानाेनिङ महाेत्सव गर्न लागेकाे हाे ।

महाेत्सवलाइ नै लक्षित गरेर एसाेसियसनले ५ दिनकाे क्यानोनिङ गाइड तालिम समेत सञ्चालन गर्न लागेकाे छ । तालिम जेठ २० गतेदेखी सुरु हुने अायाेजकले जानकारी दिएकाे छ ।

प्रत्येक वर्ष क्यानोनिङ महाेत्सव अायाेजना गर्दै अाएकाे एसाेसियसनले यस वर्ष धादिङको थाक्रेमा महाेत्सव अायाेजना गरन लागेकाे हाे ।

यसअघि सन् २०१३ देखि २०१७ सम्म प्रत्येक वर्ष भोटेकोशी, नुवाकोटको थानापाती र ककनीमा महोत्सव आयोजना गरिएको थियो ।

वाषिर्क कार्यक्रम अनुुसार यस वर्ष महोत्सव आयोजना गरिएको आयोजक संस्थाले जनाएको छ । महोत्सवमा राष्ट्रिय तथा अन्तर्राष्ट्रिय क्यानोन, पर्यटन व्यवसायी लगायतको सहभागीता रहनेछ । पाँच सय भन्दा बढी व्यक्ति महोत्सवमा सहभागी हुने दावी संस्थाको छ ।

एसोसियसनले  सन् २०११ मा पहिलोपटक क्यानोनिङ महोत्सव आयोजना गरेको थियो ।

 

Leave a Reply

Your email address will not be published. Required fields are marked *