धादिङका विभिन्न विद्यालयहरुमा दशैँको अवसरमा साँस्कृतिक कार्यक्रम सम्पन्न ।

  •  
  •  
  •  
  • 0
  •  
  •  
  •  

भरत/राजाराम धादिङ असोज २३ । बडादशैँ २०७५ को अवसर पारेर धादिङका विभिन्न विद्यालयहरुमा विविध सांस्कृतिक कार्यक्रमहरु भएका छन । यसैविचमा धादिङ धुनिबेशी नगरपालिका वडा नंं ५ मा रहेको भुवनेश्वरी माध्यमिक विद्यालयमा पनि शुभकामना आदान प्रदान तथा साँस्कृतिक कार्यक्रम सम्पन्न भएको छ । कार्यक्रम विद्यालयले विभिन्न विधामा गरेको फुटबल प्रतियोगितामा विजेता बन्न सफल भएका खेलाडीहरुलाई पुरस्कार वितरण गरिएको थियो । कार्यक्रममा विद्यालयका विद्यार्थीहरुले विजयादशमी तथा शुभ दिपावली अवसरमा शुभकामना आदान प्रदान , विभिन्न रमाईलो खेल, गायन, नाटक तथा विभिन्न किसिमका नृत्यहरु प्रस्तुत गरिएको थियो ।


यसै गरी जिल्लाकै थाक्रे गाँउपालिका वडा नं. ८ मा रहेको महाङकालेश्वरी माध्यमिक विद्यालयमा पनि विद्यालयको नया भवन उद्धघाटन तथा विविध साँस्कृतिक कार्यक्रम सम्पन्न भएको छ । थाक्रे गाँउपालिकाका अध्यक्ष रामकुमार आचार्यको प्रमुख आतिथ्यतामा सम्पन्न भएको कार्यक्रममा थाक्रे गाँउपालिकाका उपाध्यक्ष अम्विका रुपाखेती, जिल्ला आयोजना कार्यान्वयन इकाई धादिङका प्रमुख नवराज खतिवडा, थाक्रे गाँउपालिकाका शिक्षा प्रमुख दुर्गा प्रसाद सिलवाल ( दिपेश ), थाक्रे गाउपालिकाका स्रोत ब्यक्ति बाबुराम नेपाल, विभिन्न वडाका प्रमुख एबम प्रतिनिधी तथा विभिन्न संघ संस्थामा कार्यरत प्रमुख एबम प्रतिनिधी हरुको आतिथ्यता रहेको थियो । कार्यक्रममा विद्यालयमा विगत लामो समयदेखी अध्यापन गराउदैँ आउनुभएका शिक्षक द्धय विस्नुहरी सुवेदी र टेकनाथ सुवेदीलाई सम्मान तथा विदाई गरिएको थियो । दशैको अवसर पारेर राखिएको कार्यक्रममा विद्यालयका विद्यार्थीहरुले विभिन्न विधामा आफ्नो कला प्रस्तुत गरेका थिए ।


त्यस्तै धादिङको धुनिबेसी नगरपालिका वडा नं. ७ मा रहेको मच्छिन्द्र माध्यमिक विद्यालयमा पनि दशैँ विशेष शुभकामना आदान प्रदान तथा सांस्कृतिक कार्यक्रम सम्पन्न भएको छ । मच्छिन्द्र बालक्लब , मच्छिन्द्र जुनियर रेडक्रस सर्कल र मच्छिन्द्र माध्यमिक विद्यालयको सयूक्त आयेजनामा सम्पन्न भएको कार्यक्रममा विद्यालयका ब्यवस्थापन समितिका अध्यक्ष बच्चुराम उप्रेतीको प्रमुख आतिथ्यता रहेको थियो । कार्यक्रममा विद्यालयका विद्यार्थीहरुले आफ्नो विभिन्न कलामार्फत क्षमता प्रर्दशन गरेका थिए । यसै विच धादिङको धुनिबेसी नगरपालिकामा जन्मिनुभएका समाजसेवी प्रल्हाद खकुरेलले विद्यालयमा कक्षा ५ मा अध्यनरत २ जना विद्यार्थीलाई छात्रबृत्ति प्रदान गर्नु भएको थियो । साथै उहाँले उक्त विद्यार्थीहरुलाई माध्यमिक तह सम्मको अध्यनका लागि लाग्ने सम्पूर्ण खर्च पनि ब्यहोर्ने पनि बताउनु भएको कुरा विद्यालयका शिक्षक केशब रुपाखेतीले जानकारी दिनु भयो ।


यसै विच धादिङको थाक्रे गाउपालिका वडा नं. २ मा रहेको लिलाकाली माध्यमिक विद्यालयमा पनि बडादशैँ २०७५ को अवसरमा सुभकामना आदानप्रदान तथा नृत्य प्रतियोगिता कार्यक्रम सम्पन्न भएको छ । जिल्ला समन्वय समितिका सदस्य उर्मिला रेग्मीको प्रमुख आतिथ्यतामा सम्पन्न भएको कार्यक्रममा वडा नं. २ का वडा अध्यक्ष राजकुमार पौडेल, समाजसेवि दिलिप पौडेल गायिका रजनी लामा लगायतको आतिथ्यता रहेको थियो । ९ ओटा गितमा ३१ जना प्रस्पिर्धीले प्रतिस्पर्धा गरेको नृत्य प्रतियोगितामा सरिता तामाङको समुह प्रथम, निर्मला तामाङको समुह द्धित्तिय, रन्जिता रिजालको समुह तृत्तिय र मनिसा तामाङको समुह सान्तवना भएको थियो । विजेता प्रथम , द्धित्तिय , तृत्तिय र सान्तवना स्थान हासिल गरेका सहभागी हरुलाई नगद रु क्रमश ३०००, २५००, २००० र १००० प्रदान गरिएको विद्यालयका प्रधानाध्यापक राजन अर्यालले बताउनु भयो ।

Leave a Reply

Your email address will not be published. Required fields are marked *