कृषकहरुलाई हाते ट्याक्टर वितरण ।

  •  
  •  
  •  
  •  
  •  
  •  
  •  

खानिखोला , धादिङ २५ बैशाख २०७६ । धादिङको धुनिवेशी नगरपालिकाले बुधबार एक कार्यक्रम गरी कृषकहरुलाई हातेट्याक्टर वितरण गरेको छ । धुनिवेशी नगरपालिकाको ५० प्रतिशत अनुदान र कृषकहरुको ५० प्रतिशत लगानीमा कृषकहरुलाई हाते ट्याक्टर वितरण गरिएको हो । कृषकहरुलाई वितरण गरिएको ट्याक्टरको प्रतिगोटा मूल्य रु. ४४ हजार पाँच सय पर्ने भएतापनि कृषकहरुले २२ हजार २ सय पचास रुपैयाँमा प्राप्त गरेका थिए ।
धुनिवेशी नगरपालिका भित्रका कृषकहरुलाई आवश्यक पर्ने ट्याक्टरका लागी एक महिना अघि नै आवेदन माग गरिएको थियो । ट्याक्टर माग गरिएका कृषकहरु मध्ये १९ जना कृषकलाई आज एक कार्यक्रम सहित हातेट्याक्टर वितरण गरेको धुनिवेशी नगरपालिकाका कृषि शाखा प्रमुख सन्तोष खड्काले जानकारी दिनुभयो ।

Leave a Reply

Your email address will not be published. Required fields are marked *