बाग्मती प्रदेशभित्रको उत्कृष्ट सहकारीमा महिला साना किसान कृषि सहकारी संस्था लि. थाक्रे पुरस्कृत

  •  
  •  
  •  
  •  
  •  
  •  
  •  

१९ असार २०७८, शनिबार ।

वि.सं.२०७७ सालको बाग्मती प्रदेशभित्रको उत्कृष्ट सहकारीमा महिला साना किसान कृषि सहकारी संस्था लि. थाक्रे छनोट भई पुरस्कृत भएको छ । ९९ औं अन्तर्राष्ट्रिय सहकारी दिवसको अवसरमा शनिबार राष्ट्रिय सहकारी महासंघ लि. नेपाल पुलचोक ललितपुरको कार्यालयबाट नगद रु. २५ हजार र सम्मान पत्रसहित उत्कृष्ट सहकारी व्यावशायिक पुरस्कार हात पारेको छ । भूमी व्यवस्था, सहकारी तथा गरिबी निवारण मन्त्रि लिलानाथ श्रेष्ठ र राष्ट्रिय सहकारी महासंघका अध्यक्ष मिनराज कँडेलले संयुक्त रुपमा पुरस्कार वितरण गर्नुभएको हो ।

सहकारी व्यावशायका माध्यमद्धारा महिला सशक्तिकरणका साथै सदस्यको आर्थिक तथा सामाजिक विकाश गर्दै कृषि क्षेत्रको प्रवद्धनमा उल्लेखनीय योगदान पु¥याएबापत महिला साना किसान कृषि सहकारी संस्था लि. थाक्रेलाई नेपालको सहकारी अभियानको तर्फबाट ९९ औं अन्तर्राष्ट्रिय सहकारी दिवसको अवसरमा उत्कृष्ट सहकारी व्यावशायिक पुरस्कार प्रदान गरिएको हो ।

पुरस्कार बुझ्दै सहकारीका अध्यक्ष अप्सरा अधिकारीले खुशी व्यक्त गर्नुहुदै भोलीका दिनहरुमा प्रदेशमा मात्र नभई देशमै एउटा नमुना सहकारीको रुपमा परिचित गराउने बताउनुभयो ।

Leave a Reply

Your email address will not be published. Required fields are marked *