साना किसान विकास लघुवित्त वित्तीय संस्था २० औँ वर्षमा, कृषिको रुपान्तरण र उद्यमशीलता अबकाे बाटाे

  •  
  •  
  •  
  •  
  •  
  •  
  •  

२२ असार २०७८, मंगलबार ।

साना किसान विकास लघुवित्त वित्तीय संस्थाको २० औँ वार्षिकोत्सव भर्चुअल माध्यमबाट मंगलबार सम्पन्न भएको छ । नेपाल राष्ट्र बैंकका गभर्नर महा प्रसाद अधिकारीको प्रमुख आतिथ्यतामा सम्पन्न भएको कार्यक्रममा जुम माध्यमबाट साझेदार कृषि सहकारी संस्थाका किसान प्रतिनिधिहरू लगायत करिब तीन सय जनाको सहभागिता रहेको थियो ।

कार्यक्रमका प्रमुख अतिथि नेपाल राष्ट्र बैंकका गभर्नर महा प्रसाद अधिकारीले २० औँ वार्षिकोत्सवको उपलक्ष्यमा साना किसान विकास लघुवित्त वित्तीय संस्थाका सम्पूर्ण परिवारहरू, आवद्ध संस्थाहरू, सहकारीकर्मीहरू र कृषि उद्यमीहरू प्रति बधाइ ज्ञापन गर्दै साना किसान विकास लघुवित्त वित्तीय संस्थाले साझेदार संस्थाहरूमार्फत न्यून आय भएका साना किसानहरूको जीवनस्तर माथि उठाउन केन्द्रित रहेको, संख्यात्मक विस्तारमा गुणात्मक पाटो महत्वपूर्ण राख्दछ र वित्तीय संस्थाले आगामी दिनमा अझ गुणस्तरीय, प्रभावकारी र नतिजामुखी सेवा सञ्चालन गर्न सफल र सक्षम रहोस् भनी शुभकामना व्यक्त गर्नुभएको छ ।

कार्यक्रमका सभापति एवम् वित्तीय संस्थाका अध्यक्ष खेम बहादुर पाठकले कार्यक्रमको औपचारिक रूपमा उद्घाटन गर्दै संस्थामार्फत सहुलियत कर्जा प्रवाह गरी ग्रामीण क्षेत्रमा अवस्थित साना किसान तथा युवाहरूले कृषिसँग सम्बन्धित व्यवसाय तथा उद्यमहरू सञ्चालन गरेका बताए । वित्तीय संस्थालाई अझ सुलभ तथा सहुलियत कर्जा प्राप्त भएमा धेरै साना किसानहरूलाई उद्यमी र व्यावसायिक बनाउन सकिने बताउनुभयो ।

७४ जिल्लाका पाँच सय ३१ पालिकामा नौ सय ५७ साना किसान कृषि सहकारी संस्था सहित कुल १३ सय ७४ सहकारी संस्थाहरुको प्रवर्धन र विकास गरी सोही मार्फत आठ लाख ९७ हजार बढी विपन्न तथा साना किसान परिवारमा लघुवित्त एवम् कृषि प्रवर्धन कार्यक्रम पुर्याउन सफल भएको र आगामी दिनमा सेवा नपुगेका पालिका तथा जिल्लाहरुमा वित्तीय संस्थाको सेवा विस्तार गर्दै साना किसानको समृद्धिका लागि कृषिको रुपान्तरण र उद्यमशीलता विकासका गतिविधिलाई तीव्रता प्रदान गर्नेे लक्ष्य रहेको वित्तीय संस्थाका प्रमुख कार्यकारी अधिकृत शिवराम कोइरालाले  क्रममा बताउनुभयाे ।

Leave a Reply

Your email address will not be published. Required fields are marked *