अवैध क्रसर उद्योग बन्द गराउन गृहमन्त्रालयको निर्देशन

Share it with you friends

काठमाडौं । गृह मन्त्रालयले ७७ वटै जिल्ला प्रशासन कार्यालयलाई अवैध क्रसर उद्योग बन्द गराउन निर्देशन दिएको छ । मन्त्रालयले कानुन विपरित दर्ता भएका र नवीकरण नगरी सञ्चालनमा रहेका ढुङ्गा, गिट्टी, रोडा तथा बालुवा उत्खनन, प्रशोधन कार्यमा संलग्न क्रसर उद्योग तत्काल बन्द गर्न ७७ जिल्लाका प्रमुख जिल्ला अधिकरीलाई निर्देशन दिएको हो ।
निर्देशनमा ढुङ्गा, गिट्टी, रोडा तथा बालुवा उत्खननको अनुमति प्राप्त उद्योग –निर्माण व्यावसायीले आयोजना समाप्त भएपश्चात् पनि त्यस्तो उत्खनन् कार्य गरिरहेको भए छानबिन गरेर बन्द गर्न भनिएको छ । प्रचलित कानुन विपरित ढुङ्गा, गिट्टी, रोडा तथा बालुवा उत्खनन् तथा दोहन कार्यबारे गृह मन्त्रालयमा जनगुनासो र उजुरी प्राप्त भएपछि यस्तो निर्देशन भएको हो ।
यस्ता उद्योग सञ्चालन गर्दा वातावरण संरक्षण ऐन, २०७६ को पालना र यस सम्बन्धमा अदालतबाट भएको आदेश कार्यान्वयन देखिएकाले बन्द गराउन मन्त्रालयले निर्देशन दिएको हो ।

Leave a Reply

Your email address will not be published. Required fields are marked *