Saroj Poudel
धादिङ, १४ बैशाख । धादिङको थाक्रे ११ मा आज शुक्रबार देखी प्रथम महादेबेसी राजमार्ग मिनि महोत्सब सुरु हुँदैछ ।
उक्त महोत्सवको लागि स्टल लगायत सम्पूर्ण तयारी पुरा भएको छ । महोत्सबमा विभिन्न जातजातिका झाँकी, थाक्रे र यस आसपासका नगर तथा गाउँपालिकालाई चिनाउने औद्योगिक वस्तुहरुको प्रदर्शनी, बाल मेला , विभिन्न मनोरञ्जनका साथै राष्ट्रिय तथा स्थानिय कलाकारहरुको प्रस्तुती रहने आयोजक समारोह समितिका सचिवालय सदस्य तारा कुमारी खड्का थापाले जानकारी दिनुभयो ।
थाक्रे गाउँपालिका ११ महादेबबेसी बजारको महेशखोला किनारमा हुने मेलामा कलाकारहरु प्रमोद खरेल, बद्री पंगेनी , शोभा त्रिपाठी, सुनिल गिरी, हेमन्त शर्मा, रामजी खाँण, प्रिती आले, सहिमा श्रेष्ठ, रमेशराज भट्टराई, बविता वाँनियाँ (जेरी),ढाकाराम पौडेल, उत्सव सुब्बा लामा, रजनी लामा, यशोदा विडारी, दुर्गा विडारी, मनोज थापा, मुना लामा, सबिन लामा लगायत राष्ट्रिय तथा स्थानिय कलाकारहरुको प्रस्तुतीको साथमा हाँस्यकलाकारहरुको सहभागिता रहने छ।
करिब ७० ओटा स्टल रहने मेलामा ब्यापार ब्यावसाय प्रर्बद्धन गर्ने समाग्री, आधुनिक कृषि औजार, खाद्यान्य सामाग्री, होटल लगायतका स्टल रहने मिनि महोत्सब मुल आयोजक समितिले जानकारी दिएको छ ।
आज देखी २४ गते सम्म सञ्चालन हुने महोत्सवको उद्घाटन धादिङ प्रतिनिधि सभा क्षेत्र नम्बर १ का सांसद भुमि त्रिपाठीले गर्नु हुने आयोजकले बताएको छ ।
Upendra Adhikari
