Deepa Poudel
काठमाडैं, १४ जेठ । यो वर्षको इन्डियन प्रिमियर लिग आइपिएल क्रिकेटको उपाधि चेन्नाई सुपर किङ्सले जितेको छ ।
मुम्बईमा भएको फाइनलमा सनराईजर्स हैदरावादलाई ८ विकेटले हराउँदै चेन्नाईले तेस्रो पटक आईपीएल उपाधि उचालेको हो ।
जितका लागि १ सय ७९ रनको लक्ष्य पछ्याएको चेन्नाईले अष्ट्रेलियन ब्याट्सम्यान सेन वाट्सनको अविजित १ सय १७ रनसँगै १८ ओभर ३ बलमा २ विकेट गुमाएर १ सय ८२ रन जोड्यो ।
वाट्सन र सुरेश रैनाले दोस्रो विकेटका लागि १ सय १७ रनको साझेदारी गर्दै जितको आधार तयार गरेका थिए । ५७ बल खेलेका वाट्सनले ११ चौका र ८ छक्काको मद्दतमा १ सय १७ रन जोडेका हुन् । उनलाई दरिलो साथ दिएका रैनाले ३४ बलमा ३ चौका र १ छक्कासहित ३२ रन जोडे ।
त्यसअघि टस हारेर पहिले ब्याटिङ गरेको हैदराबादले नियमित २० ओभरमा ६ विकेटको क्षतिमा १ सय ७८ रन बनाएको थियो । जितसँगै चेन्नाईले आईपीएल उपाधिमा ह्याट्रिक गरेको छ ।
Upendra Adhikari
