Saroj Poudel
महादेबबेशी धादिङ, १९ बैशाख २०७६ । धादिङको थाक्रे ६ महादेवबेशीमा रहेको जनजागृती माध्यामिक विद्यालयमा आज नवनिर्मीत ४ कोठे पक्की भवनको उद्घाटन कार्यक्रम सम्पन्न भएको छ । जिल्ला शिक्षा विकाश तथा समन्वय धादिङको अनुदान तथा भुकम्प पछिको पुर्ननिर्माण गर्न इ आर आर आर पी. परियोजना अन्र्तगत रोटरी क्लव अफ धादिङको सहयोगमा आज एक कार्यक्रम सहित उक्त चार कोठे भवनको उद्घाटन गरिएको छ ।
धादिङ क्षेत्र नम्बर १ का प्रतिनिधी सभाका सदस्य भुमी त्रिपाठीको प्रमुख आथित्यता रहेको कार्यक्रममा नेकपा धादिङका नेता नेत्रराज पौडेल, जिल्ला समन्वय समिति धादिङका सदस्य उर्मिला रेग्मी, रोटरी क्लब धादिङका अध्यक्ष गोविन्द बुढाथोकी, समाजसेवी कृष्ण पन्त, जिफन्ट प्रदेश नं. ३ का अध्यक्ष रामहरी नेपाल थाक्रे गाउपालिका का विभिन्न वडाका वडा अध्यक्षहरु तथा शिक्षा संग सरोकार राख्ने ब्यक्तित्वहरुको आतिथ्यता रहेको थियो ।
विद्यालय ब्यवस्थापन समितिका अध्यक्ष गोकर्ण रुपाखेतीको अध्यक्षतामा सम्पन्न भएको भवन उद्धघाटन कार्यक्रममा कार्यक्रमका प्रमुख अतिथी समेत रहनु भएका धादिङ क्षेत्र नं. १ का प्रतिनिधी सभा सदस्य भुमी त्रिपाठीले सम्बृद्धीका लागि प्राविधिक शिक्षा आवश्यक भएकाले विद्यालयले सुरु गर्न लागेको प्राविधिक तर्फ इन्जिनियरिङ को कक्षा लाई शुभकामना दिँदै उहाले जनजागृती माध्यमिक विद्यालय नमुना विद्यालय बन्नुपर्नेमा जोड दिनु भयो ।
Upendra Adhikari
