Saroj Poudel
जेष्ठ २१, २०७६, धादिङ्ग
भगवान भण्डारी,
गर्मी मौषममा खानपान नमिल्दा स्वास्थ्मा धेरै समस्या आइपर्छन् । जाडो मौसमको तुलनामा गर्मीमा पाचन शक्ति कमजोर हुन्छ त्यसैले जे मन लाग्यो त्यो खानु पनि उपयुक्त हुँदैन, खानिपनमा विषेश जोड दिनुपर्छ । विशेष गरेर तारेको या मसालायुक्त खाना खाँदा फुड प्वाइजनको समस्या हुन सक्छ । गर्मी मौसममा कस्ता किसिमका तरकारीहरु सेवन गर्दा स्वास्थ्यलाई फाइदा पुग्छ त ?
हरियो सिमी
हरियो सिमीमा भिटामिन ए, सी र बी सिक्स पाइन्छ । यो फोलिक एसिडको पनि राम्रो स्रोत हो । यसका अलावा क्याल्सियम, सिलिकन, आइरन, म्याङनिज, बिटा क्यारोटिन, पोटासियम र कपर तत्व पनि सिमीमा पाइन्छ । यसले रोग प्रतिरोधी क्षमतामा वृद्धि गर्छ ।
लौका
लौकामा करिब ९६ प्रतिशत पानी हुन्छ । लौका चिसो खालको तरकारी हो । यसले कलेजो स्वस्थ राख्न मद्धत गर्छ । क्यालोरी कम हुने भएकाले सजिलै पचाउन सकिन्छ । यसले पेट सफा पार्छ । ग्यास बन्न दिँदैंन । फाइबर पनि हुने हुनाले अल्सर, पायल्स र ग्यास्ट्रिकका रोगीका लागि लाभदायी हुन्छ ।
करेला
करेलालाई मानिसले सजिलै पचाउन सक्छन् । यसमा फस्फोरस पाइने भएकाले कफको समस्या हटाउन पनि मद्धत गर्छ । यसका साथै प्रोटीन, क्याल्सियम, कार्बोहाइड्रेट, फस्फोरस र भिटामिन पाइन्छ । करेलाले पाचनशक्ति मजबूत पार्ने भएकाले भोक पनि जगाउछ । यो चिसो खालको तरकारी भएकाले गर्मी मौसममा उपयोग गर्नु राम्रो मानिन्छ ।
प्याज
प्याजमा पाइने भिटामिन सी, भिटामिन बी र म्याङगनिजको मात्राले शरीरलाई फाइदा गर्छ । यसका अलावा क्याल्सियम, आइरन, फोलेट, म्याग्नेसियम, फस्फोरस र पोटासियम पनि पाइन्छ । यसमा क्वेरसेटिन नामक एन्टीअक्सिडेन्ट पनि हुन्छ । यो मौसममा काचो प्याज खानाले लू पनि लाग्दैन । यसलाई तरकारीको रुपमा मात्र नभई काचै सलादका रुपमा खान सकिन्छ ।
गोलभेंडा
गोलभेंडामा भिटामिन ए र सी, फोलेट, पोटासियम, फाइबर र सबै खालका एन्टी अक्सिडेन्ट पाइन्छ । गोलभेंडा खानाले शरीरको रोगप्रतिरोधी क्षमता मजबूत हुन्छ भने रक्तचाप पनि नियन्त्रणमा आउँछ । त्यसैले मुटुका रोगीका लागि यो निकै उपयोगी मानिन्छ ।
फर्सी
फर्सी भरपूर खनिज तत्व हुन्छ । यसले शरीरबाट विषाक्त पदार्थ बाहिर निकाल्छ भने एसीडीटी हटाउन र तौल कम गर्न मद्धत गर्छ । यसको बियाँले प्रोस्टेट क्यान्सरका बिरामीलाई फाइदा पुग्छ । गर्मी मौसममा पेट गडबड हुनेहरुका लागि यो निकै राम्रो खाद्यपदार्थ हो ।
Upendra Adhikari
