धुनीबेसी ९ मा निजी आवास अवलोकन ।

राजाराम डंगोल धुनीबेसी साउन २४, २०७६ शुक्रबार धादिङ  धुनीबेसी नगरपालिका वडा नम्वर ९ को नयाँबस्ती तथा जुगेडी क्षेत्रमा पुनर्निमाण गरिएका निजी आवास अवलोकन गरिएको छ । ट्रान्सपरेन्सी इन्टरनेशनल नेपालले धादिङमा सञ्चालन गर्दै आइरहेको भुकम्पपछिको पुनर्निर्माण र पुनस्थापनामा सदाचार (आईपिइआरआर) कार्यक्रम अन्तर्गत निजी आवास अवलोकन गरिएको हो । भुकम्पपछि निर्माण भइरहेका व्यक्तिगत घरहरुको भुकम्प सुरक्षामैत्रीपन कायम गराउन तथा भविष्यमा हुनसक्ने सम्भावित क्षति कम गराउने उद्देश्यले निजी आवास अवलोकन गरिएको ट्रान्सपरेन्सी इन्टरनेशल नेपाल धादिङका जिल्ला अधिकृत सानुबाबु तिमिल्सिनाले बताउनुभयो ।

अवलोकन कार्यक्रममा धुनीबेसी नगरपालिका वडा नम्वर ९ का अध्यक्ष साइला राई, प्राविधिक प्रतिभा ढकाल, इन्जिनियर हरिराम पाठक, लगायतको सहभागिता रहेको थियो । कार्यक्रम पछि भएको छलफल कार्यक्रममा वडा अध्यक्ष राईले वडाभित्र बन्ने हरेक निर्माणलाई सुरक्षित र भुकम्पमैत्री बनाउने कार्यमा सधैं सचेत रहेको बताउनुभयो ।