स्थानीय सरकारले मात्रै संघियता जोगाउन सक्छ : मुख्यमन्त्री पौडेल

३ नम्वर प्रदेशका मुख्य मन्त्री डोरमणी पौडेललेसंघियतालाई सस्थागत गरि स्थायीत्व दिने प्रमुख दायित्व स्थानीय सरकारको रहेको बताएका छन् ।

जिल्ला समन्वय समिति धादिङको तेस्रो जिल्ला सभालाइ सम्वोधन गर्ने क्रममा मन्त्री पौडेलले लामो आन्दोलन र अथक प्रयास पछि देशमा संघियता आएको भएपनि पुरानै ढर्रामा चलिरहेकाले गर्दा संघियतालाइ स्थायीत्व दिन स्थानीय सरकारले बलियो हुनुपर्ने बताएका हुन् ।

मुख्यमन्त्री पौडेलले भने, ‘देशमा संघियता आयो, तर प्रशासनिक निकाय, राजनितिक दल, कर्मचारी तन्त्र कसैको मानसिकतामा परिवर्तन आएन, हिजोकै शैलीमा काम गर्न चाहान्छन्, त्यसैले संघियताको मर्म जोगाउनु नै स्थानीय सरकारको प्रमुख दायित्व भएको छ ।’

संघियतामा काम गर्न चुनौती र अवसर दुवै रहेकाले संघियतालाइ सस्थागत गरेर अघि बढ्नुपर्ने अहिलेको प्रमुख आवश्यकता रहेकोमा उनले जोड दिए जिल्ला सभालाइ सम्वोधन गर्ने क्रममा मुख्यमन्त्री पौडेलले स्थानीय सरकारले जनमुखी काम गर्न नसकिरहेको तर्फ सचेत गराए ।
‘एक पालिका एक उत्पादन’लाइ विशेष योजना बनाएर अघि बढे प्रदेश सरकारले साथ दिने पौडेलले बताए । ‘मैले पटक पटक भनिरहेको छु, योजना बनाएर बजेट लिन आउनुस भनेर ।’

मुख्यमन्त्री पौडेलले भने, ‘धादिङका कुनैपनि स्थानीय तहले उत्पादनमुखी काम गर्छु भनेर योजना नै पेश गरेका छैनन् ।’ प्रदेश सरकार झोलामा पैसा बोकेर बसिरहेकाले प्रतिफल आउने र जनताले फाइदा पाउने योजनाहरु लिएर आउन स्थानीय सरकारले लाइ मुख्यमन्त्री पौडेलेले आग्रह गरे ।