Saroj Poudel
९ असोज २०७६ ।
धादिङको धुनिबेशी ६ तल्लो बानियाँटारमा आगामी शुक्रबार देखी नगरस्तरीय फुटबल प्रतियोगिता हुने भएको छ । “राष्ट्रका लागि खेलकुद स्वास्थ्यका लागि खेलकुद” भन्ने मुल नाराका साथ धुनिबेशी नगरपालिका आयोजक रहने गरी प्रतियोगिता हुन लागेको नगरप्रमुख बालकृष्ण आचार्यले बताउनुभयो ।
प्रतियोगिता सम्पन्न गर्नका लागि नगरपालिकाको तर्फबाट आर्थिक सहयोग गर्ने उहाँको भनाई छ । धुनिबेशी नगरस्तरिय फुटबल प्रतियोगिता मुल आयोजक समितीका अध्यक्ष प्रदिप कोईरालाले प्रतियोगिताको लागि समुह दर्ता गर्ने काम भईरहेको बताउनुभयो ।
टिम दर्ता गर्नका लागी धुनिवेशी नगरपालिका भित्रका टिम मात्र हुनुपर्ने छ । त्यसैगरी टिम दर्ता गर्ने अन्तिम मिती यहि असोज ९ गते सम्मलाई तोकिएको छ । बिजेता टोलीले विभिन्न राशीका पुरस्कार प्राप्त गर्ने आयोजकले जानकारी दिएको छ ।
पुरस्कारहरु:-
प्रथम पुरस्कार :- रू ४० हजार नगद सहित शिल्ड, मेडल र प्रमाणपत्र
द्धितीय पुरस्कार :- रू ३० हजार नगद सहित शिल्ड, मेडल र प्रमाणपत्र
तृतीय पुरस्कार :- रू २० हजार नगद सहित शिल्ड, मेडल र प्रमाणपत्र
शान्त्वना पुरस्कार :- आकर्षक पुरस्कार
Upendra Adhikari
