धुनिबेशी नगरपालिकाद्धारा भुवनेश्वरी माध्यमिक विद्यालयमा निशुल्क सेनेटरी प्याड वितरण ।
आइतबार १३ पौष २०७६- विद्यालय उमेर समुहका सवै छात्राहरुलाई निशुल्क सेनेटरी प्याड वितरण गर्ने कार्यक्रम अनुसार धुनिबेशी नगरपालिका वडा नं. ५ मा रहेको भुवनेश्वरी माध्यमिक विद्यालयमा निशुल्क प्याड वितरण कार्यक्रम गरिएको हो ।
महिनावरी भएपछी विद्यालय छोड्ने दर बढेकाले यसको न्यूनिकरणको लागि नेपाल सरकारले कुनै पनि किशोरीहरुले विद्यालय नछोडुन भन्ने उद्धेश्यका साथ निशुल्क सेनेटरी प्याड वितरण कार्यक्रम सुरु गरेको हो । धुनिबेशी नगरपालिकाका प्रमुख बालकृष्ण आचार्य तथा उपप्रमुख निरु खरेलले विद्यालयमा उपस्थित भई किशोरीहरुलाई विद्यालय समयमा समस्या नहोस र उनिहरुले कक्षा छाडेर हिड्न नपरोस भन्दै विद्यालयलाई सेनेटरी प्याड हस्तान्तरण गर्नुभएको हो ।
कार्यक्रममा धुनिबेशी नगरपालिकाका उपसचिब सुजनराज खनाल तथा शिक्षा शाखा प्रमुख विकास खत्री , स्वास्थ शाखा प्रमुख शिबहरी भट्ट, वडा नं. ५ का वडा अध्यक्ष कृष्णकुमार रेग्मी लगायतको उपस्थिती रहेको थियो । सरकारले छात्राहरुलाई निशुल्क सेनेटरी प्याड वितरण कार्य सुरु गर्नु स्वागत योग्य काम त हो तर यसको ब्यवस्थापनमा पनि ध्यान दिनु आवश्यक छ । विद्यालयमा सेनेटरी प्याड वितरण सगै यसको ब्यवस्थापनको लागि छात्रामैत्री शौचालय पनि हुनु आवश्यक देखिन्छ । प्याड वितरण सँगै प्रयोग भइसकेका प्याडको ब्यवस्थापन पनि उत्तिकै जरुरी छ ।
