Krishi Bihani
२७ श्रावण २०७७
धार्के– धादिङको धुनिबेशी नगरपालिका वडा नं. ६ धार्के तरकारी बजारमा खुल्ला रक्तदान कार्यक्रम सम्पन्न भएको छ । नेपाल रेडक्रस सोसाइटीको प्राविधिक सहयोगमा नेपाल रेडक्रस सोसाइटी धुनिबेशी उपशाखाले मंगलबार आयोजना गरेको रक्तदान कार्यक्रममा १२ जना महिला र ११४ जना पुरुष गरी जम्मा १२६ जना रक्तदाताहरुले रक्तदान गरेका छन् ।
विश्वमा तिव्र गतिमा फैलिरहेको कोरोना भाइरस नेपालमा पनि फैलिरहेको र विभिन्न अस्पतालहरुमा विरामीको उपचारमा रगतको अभाब नहोस तथा ब्लड बैंकमा पनि रगतको कमी नहोस भनेर यस्तो विषम परिस्थतीमा पनि रक्तदान कार्यक्रम आयोजना गरको नेपाल रेडक्रस सोसाइटी धुनिबेशी उपशाखाका सभापती रामबाबु रेग्मीले जानकारी दिनुभयो ।
कार्यक्रमा धुनिवेशी नगरपालिकाका मेयर बालकृष्ण आचार्य, उपमेयर निरु खरेल, नेपाल रेडक्रस सोसाइटी जिल्ला शाखा धादिङका सभापती नारायण तिमल्सिना, मन्त्री दूर्लभ कुमार तामाङ, विभिन्न सरकारी तथा गैरसरकारी संस्थाका प्रतिनिधी लगायत स्थानीयहरुको उपस्थिती रहेको थियो ।
Upendra Adhikari
