असारका लागि बैंकहरूको नयाँ ब्याजदर सार्वजनिक, अधिकांश स्थिर

काठमाडौँ । वाणिज्य बैंकहरूले असार महिनाका लागि सार्वजनिक गरेको नयाँ ब्याजदर अनुसार अधिकांश बैंकले निक्षेपको ब्याजदर स्थिर राखेका छन् भने पाँच बैंकले मुद्दती निक्षेपको ब्याजदर घटाएका छन्।

बैंकहरूले प्रत्येक महिनाको अन्त्यमा आगामी महिनाका लागि लागू हुने ब्याजदर सार्वजनिक गर्ने व्यवस्था अनुसार असारका लागि नयाँ ब्याजदर सूची सार्वजनिक गरेका हुन्। सार्वजनिक विवरण अनुसार अधिकांश बैंकले जेठ महिनाकै ब्याजदरलाई निरन्तरता दिएका छन् भने केही बैंकले मुद्दती निक्षेपको ब्याजदरमा सामान्य कटौती गरेका छन्।

बैंकहरूले मुद्दती निक्षेपमा प्रदान गर्ने अधिकतम ब्याजदर घटाएसँगै निक्षेपकर्ताले प्राप्त गर्ने प्रतिफलमा केही कमी आउने भएको छ।