बाँच्ने आशामा राजकुमार सुनार, कलाकार शोभा त्रिपाठी लागिन बचाउने अभियानमा

रामचन्द्र रुपाखेती । महादेववेशी धादिङ,१ जेठ । एक दिन विहान टिका बमजन मर्निङवाकमा निस्किएका थिए । उनले एकजना विरामी भएर लडिरहेका राजकुमार सुनारलाई बाटोमा देखेछन् र सोध्दा धादिङ थाक्रेगाउँपालिका ६, रानिवारी का राजकुमार सुनारले आफु दुवै मृगौला फेलभएर पैसाको आभावमा डाइलासिस समेत गर्न नसकेर भौतरिएको बताएपछि टिका बमजनले अस्पताल पु¥याउनुभएको रहेछ ।

टिकादाईले मलाई फोन गरेर भन्नुभयो शोभा तिम्रो धादिङ्गकै एउटा भाई यस्तो अवस्थामा फेला पारेँ केही गर्न सकिन्छ कि भनेर भन्नुभयो । अनि मैले भाई राजकुमारलाई भेंटे उसका कुरा सुनेपछि जनता टेलिभिजनमा उसको अन्र्तवार्ता लिएं र जहाँबाट सहयोगको लागि समेत आह्वान गरें जसअनुसार बेलायतमा बस्ने दाजभाईहरुले १,७९,०००। सहयोग पठाइदिनुभयो । म पुरै भावुक भएको थिएँ कि उसको परिवारको अवस्था एकदम दयनिय थियो । उसको श्रीमती आफ्नो मृगौला दिएर बचाउने वाचा गर्दैथिइन् भाई राजकुमारको बाँच्ने त्रिव्र आशा थियो ।

यस्तो अवस्थामा मैले केही अठोट गरें उसको उपचारको लागि आफ्नो तर्फबाट केही न केही गर्छु भन्ने लाग्यो र उसको जिवन बचाउने अभियान शुरुवात गरेको छु । मलाई विश्वास छ यो कसैको जिवन बचाउने अभियानमा आफु सफल हुन्छु भनेर ।
यि माथिका घटना कलाकार एवं सफल कार्यक्रम प्रस्तोता शोभा त्रिपाठीले थाक्रेको महादेववेशीमा केहिदिन अघिसम्म सञ्चालित महादेववेशी मिनि महोत्सवको कार्यक्रम सञ्चालन गर्ने क्रममा बताइरहंदा महोत्सवबाट उपस्थित दर्शकहरुले ६२,६४० रुपैया सहयोग प्रदान गरे । उक्त रकम कार्यक्रम स्थलमै उपस्थित राजकुमार सुनारलाइृ हस्तान्तरण गरियो ।

गत वर्षको बैसाखमा वैदेशिक रोजगारीका लागि ऋण गरेर साउदी अरव हिंडेका राजकुमार काम थालेको केही महिनामानै एक्कासी विरामी भई अस्पताल जाँदा आफ्नो दुवै मृगौला फेल भएको रिपोर्ट आएपछि असोजमै नेपाल फर्किएका थिए । त्यति वेला न उनिसंग उपचार गर्ने पैसा थियो न त कुनै उपायनै ।
सानैमा आमाको मृत्यु भएको बुबाले ३ वटा विहेगरि अन्तै घरजम गरि बसेकाले उनको साहरा कोही थिएन उनकी श्रीमती रञ्जिता सुनार आफ्नो श्रिमानको यो अवस्थाबाट मर्माहित बनीन् । कुनै बाँच्ने आशा गुमाइसकेका राजकुमारले पछिल्लो समय कलाकार शोभा त्रिपाठीको अभियान र सहयोगी व्यक्तित्वहरुको सहयोगले आफुमा पुनः बाँच्ने आशा पलाएको कुराकानीको क्रममा बताए ।

राजकुमारको लागि श्रीमतीको मृगौलानै नमिलेतापनि श्रीमतीले अन्य व्यक्तिलाई दिने र उसको परिवारबाट मिल्ने मृगौला राजकुमारलाई दिनको लागि तयार सहयोगी पाएर हाल इन्सुलेसनको कार्य भईरहेको छ । उनको एउटै आवश्यकता छ मृगौला प्रत्यारोपण गर्दा लाग्ने खर्च व्यवस्थापन सो को लागि कलाकार शोभा त्रिपाठीले सहयोग उठाउने अभियान सञ्चालन गरेकी छिन करिव १५ देखी १७ लाख खर्च लाग्न सक्ने अस्पतालको अनुमान अनुसार उनले राजकुमार सुनार बचाउ अभियान सञ्चालन गरेकी छिन् ।

अप्रेशन भएपछि सरकारले २ लाख दिने भएपनि वाँकी रकमको व्यस्था गर्न राष्ट्रिय कलाकारहरुको साथमा धादिङको राजमार्ग क्षत्रको धार्के लगाएत विभिन्न ठाउँमा च्यारिटी शो गरी सहयोग जुटाउन लागिएको कलाकार शोभा त्रिपाठी ले बताइन । कलाकार शोभाको यो शोभनिय कार्य तथा राजकुमार सुनार बचाउने अभियानमा सहयोगगर्न चाहने महानुभावहरुले प्रभु वैक महादेववेशी शाखा मा रहेको राजकुमार सुनारको नाममा खातामा नं. ः ०६००१०००९८७७२९०००००१ मा रकम जम्मा गर्न समेत अपिल गरेकी छिन् ।