Saroj Poudel
धनगढी, १३ भदौ । यातायात व्यवस्था कार्यालय सेतीका कार्यालय प्रमुखसहित ३ जना कर्मचारी घुससहित पक्राउ परेका छन् ।
अख्तियार दुरुपयोग अनुसन्धान आयोगले निमित्त कार्यालय प्रमुख गम्भीर सिंह विष्ट, अधिकृत भुवन जोशी र जयराज कारीगरलाई घुस लिँदालिँदै पक्राउ गरेको हो । सवारी साधन बिक्री गरी नामसारी गरिदिए वपत सेवाग्राहीसँग घुस लिँदै गर्दा उनीहरु पक्राउ परेको अख्तियारले जनाएको छ ।
पक्राउ परेका तीनै जनाको साथबाट अख्तियारले १ लाख ६६ हजार १ सय रुपैयाँ बरामद गरेको छ । घुस वापतको १५ हजार, स्रोत खुल्न नसकेको १ लाख ५१ हजार १ सय रुपमा कार्यालय परिसरबाटै बरामद गरिएको हो ।
हाल अख्तियारको नियन्त्रणमा रहेका ३ जनाबारे अनुसन्धान भइरहेको अख्तियारले जनाएको छ ।
Upendra Adhikari
