Saroj Poudel
काठमाडौं, ४ वैशाख । काठमाडौंमा रातभर चलेको हावाहुरी पछि विहानै झरी परेको छ ।
राति ठूलो हावाहुरी चलेपनि पानी पर्न सकेको थिएन । तर विहान सबेरै धेरै ठाउँमा झरी परेको मौसमविद्ले बताएका छन् । मौसमविद् सुवास रिमालका अनुसार काठमाडौं उपत्यकासहित पूर्वमा मेघगर्जन सहित वर्षा भइरहेको छ ।
भारतको विहार आसपासमा बनेको न्यून चापिय क्षेत्र तथा बंगालको खाडीबाट आएको जलवाष्पयुक्त हावा र पश्चिमी वायुको प्रभावले अहिले मध्य र पूर्वमा पानी परेको मौसमविद् रिमालले जानकारी दिनुभयो । उहाँका अनुसार पूर्वमा आज दिनभरी कै मौसम यस्तै रहने तर पश्चिममा भने मौसम सफा रहनेछ ।
पछिल्लो २४ घण्टामा पोखरामा धेरै वर्षा भएको छ । पोखरामा १४ दशमलव ९ मिलिमिटर पानी परेको जल तथा मौसम पूर्वानुमान महाशाखाले जनाएको छ । यस्तै धनकुटामा १० दशमलव २ र ओखलढुंगामा ४ दशमलव ५ मिलिमिटर पानी परेको छ ।
Upendra Adhikari
