Saroj Poudel
२४ असोज २०७६, शुक्रबार ।
सिन्धुपाल्चोक दुर्घटनामा मृत्यु भएका सबैको सनाखत भएको छ। जिल्ला प्रहरी कार्यलयका डिएसपी माधव काफ्लेका अनुसार दुर्घटनामा परी ज्यान गुमाउनेमा काभ्रेको बनेपा नगरपालिका ३ बस्ने केदारनाथ महाजु, पाचँखाल नगरपालिका ६ का संगिता मिजार, सिन्धुपाल्चोकको इन्द्रावती गाउँपालिका ९ बस्ने हिरा श्रेष्ठ, सोही ठाउँका विनोद लम्साल र इन्द्रावती गाउँपालिका १० बस्ने रितेश आचार्य रहेका छन्। उनीहरुको घटनास्थलमै मृत्यु भएको थियो।
त्यसैगरी, उपचारका लागि अस्पताल लैजाने क्रममा ललितपुर घर भएकी समिता श्रेष्ठको बाटोमै मृत्यु भएको बताइएको छ। मेलम्ची नगरपालिका १३ बस्ने अनुष तामाङ र इन्द्रवती ९ का जुनादेवी लम्सालको उपचारका क्रममा धुलिखेल अस्पतालमा मृत्यु भएको जिल्ला प्रहरी कार्यलाय सिन्धुपाल्चोकले जनाएको छ। त्यस्तै, इन्द्रावती १० का मिना मगर, सुवास अधिकारी र अन्दाजी ६|७ वर्षका सनित पुर्कोटीको मृत्यु भएको डिएसपी काफ्लेले जानकारी दिनुभयो ।
सिन्धुपाल्चोकको इन्द्रावती गाउँपालिका १० स्थित भोटसिपा बडहरे चोकमा शुक्रबार बिहान बस दुर्घटना भएको थियो। बा २ ख २७१५ नम्बरको बस शुक्रबार बिहान करिब १० बजेतिर दुर्घटना भएको हो। इन्द्रावती गाउँपालिका ९ सिपाटारबाट काठमाडौं आउँदै गरेको बस सडकबाट २ सय मिटर तल खस्दा ११ जनाको ज्यान गएको हो। बसमा ८० जना भन्दा बढी यात्रु सवार रहेको र ओभरलोडका कारण गाडीको ब्रेक फेल भइ दुर्घटना भएको हुन सक्ने डिएसपी काफ्लेले बताउनुभयो ।
Upendra Adhikari
