आदर्श माध्यमिक बिद्यालयमा बिबिध कार्यक्रम सम्पन्न ।
राजाराम डंगोल , धादिङ, फाल्गुण १७ ।धादिङको थाक्रे गाउँपालिका वडा नम्बर ५ स्थित आदर्श माध्यमिक बिद्यालयमा बिबिध कार्यक्रम सम्पन्न भएको छ । थाक गाउँपालिका वडा नम्बर ५ को वडास्तरिय लक्षित बर्गको बजेटमा सञ्चालिन कार्यक्रममा आज वडा नम्बर ५ भित्र रहेका बिद्यालयहरुको हाजिरी जवाफ प्रतियोगीता, गीत प्रतियोगीता तथा एकल नृत्य प्रतियोगीता सम्पन्न भएको हो । महाकाली माध्यमिक बिद्यालयका सहायक प्रधानाध्यापक बलराम बुढाथोकीको प्रमुख आतिथ्यतामा सम्पन्न कार्यक्रममा बिभिन्न बिद्यालयका बिद्यार्थीहरुले बिबिध बिधामा प्रतिस्पर्धा गरेका छन् ।
हाजिरी जवाफ प्रतियोगीता तर्फ आदर्श माध्यमिक बिद्यालय दामेचौर प्रथम, सारदा प्राथमिक बिद्यालय गहते दोस्रो, शिबवशँकर प्राथमिक बिद्यालय छापडाँडा तेस्रो र सुन्दर प्राथमिक बिद्यालय टाँडीघाट चौथो हुन सफल भएको छ ।
यसैगरी गीत प्रतियोगीता तर्फ आदर्श माबि प्रथम, शिबसँकर प्राबि द्धितिय,बाल ज्योती एकेडेमी सिमलडाँडा तृतिय र सान्त्वनामा सारदा प्राबि भएको वडा नम्बर ५ की वडा सदस्य रजनी लामाले जानकारी दिनुभयो ।
यसैगरी एकल नृत्य तर्फ बाल ज्योती एकेडेमी प्रथम, शिबसँकर प्राबि द्धितिय, आदर्श माबि तृतिय, सुन्दरी देबि चौथो र सान्त्वनामा सारदा प्राबि भएको वडा नम्बर ५ की वडा सदस्य रजनी लामाले जानकारी दिनुभयो ।
कार्यक्रममा क्रमशं प्रथम, द्धितिय, तृतिय, चौथो तथा पाँचौ हुन सफल बिद्यार्थीहरुलाई स्टेसनरी सामाग्री प्रदानगरिएको समेत वडा सदस्य रजनी लामाले जानकारी दिनुभएको छ । कार्यक्रममा बोल्दै प्रमुख अतिथी बुढाथोकीले वडा नम्बर ४ लाई पनि समेटेर कार्यक्रम गरेको खण्डमा अझै राम्रो हुने बताउनुभयो । ४ नम्बर वडाका सम्पुर्ण बिद्यार्थीहरुलाई समेटेको खण्डमा सिकाई बृद्धि हुने भन्दै आगामी कार्यक्रममा समेटीने बताउनुभयो ।
