Saroj Poudel
काठमाडौं, २७ चैत । काठमाडौंको बुढानिलकण्ठ नगरपालिकाका उप–सचिव (प्रमुख प्रशासकिय अधिकृत) लिला अधिकारी र ईन्जिनियर बिजेन्द्र श्रेष्ठलाई अख्तियार दुरुपयोग अनुसन्धान आयोगले नियन्त्रणमा लिएको छ ।
बुढानिलकण्ठ नगरपालिका–२ बाँडेपाखामा रिभर्ज वायर (पानी ट्यांकी) निर्माणकार्य सम्पन्न गरेपश्चात कार्य अनुभवपत्र लिने प्रयोजनको लागि सेवाग्राहीसँग ५ लाख घुस मागिरहेको भन्ने उजुरी एवं सूचनाको आधारमा उनीहरुलाई नियन्त्रणमा लिएको अख्तियारका प्रवक्ता दीर्घराज मैनालीले जानकारी दिए ।
आयोगको कार्यालय टङ्गालबाट खटिइ गएको टोलीले उप-सचिव अधिकारी र ईन्जिनीयर श्रेष्ठलाई काठमाडौं महानगरपालिका वडा नम्बर-३ को वडा कार्यालय अगाडीबाट सोमबार साँझ नियन्त्रणमा लिईएको जनाइएको छ । प्रमुख प्रशासकिय अधिकृत लिला अधिकारीलाई बा.१८ च. ७०८७ नम्बरको कारसहित र ईन्जिनियर बिजेन्द्र श्रेष्ठलाई बा. ७ च ५८९४ नम्बरको कारसहित नियन्त्रणमा लिई अख्तियारको हिरासतमा राखेर थप अनुस्न्धान शुरु गरिएको प्रवक्ता मैनालीले जानकारी दिएका छन् ।
Upendra Adhikari
