गगन थापाले भने कांग्रेसको सदस्यता लिएर रुखमा भोट नहाल्नु अपराध हो

कांग्रेस काठमाडौंको भेलालाई सम्बोधन  गर्न पुगेका थापाले भने , गत निर्वाचनमा नेपाली कांग्रेस हार्नुकाे थुप्रै कारण भएपनि हारको जिम्मा कांग्रेसीले लिनु पर्ने  भन्दै उनले भने, ‘कांग्रेसको सदस्यता लिएर पनि  उम्मेदवार बन परेन भन्दै रुखसँग गद्दारी गरेको छ भने यो अपराध हो । कुनै पनि बहानामा यो अपराधमा उन्मुत्ति पाउनु हुन्न ।’

पार्टीले चुनाव जित्दा  मेरो कारणले भन्ने तर चुनाव हार्दा जिम्मा लिन नसक्नेले कसरी नेतृत्व गर्न सक्छन ? थापाले प्रश्न गरे । पार्टीले हार्दा पनि जिम्मा म लिन्छु भन्नुपर्छ ।’ उनले भने ।

उनले आफ्नो चुनाव क्षेत्रमा व्यहोरको हारको जिम्मेवारी लिन आफू तयार रहेको बताए । ‘चुनाव पराजयको दोष म लिन तयार छु । म चुनाव जितेर आएँ तर, समानुपातिकमा चुनाव जिताउन सकिनँ । प्रदेशतर्फ एक सिट जित्यौं, एउटामा हार्‍यौं’ काठमाडौं ४ वाट निर्वाचित थापाले भने, ‘म मेरो निर्वाचन क्षेत्रको पराजयको जिम्मा लिन तयार छु । जरु जहाँजहाँ जिम्मा लिनु पर्ने हो तयार छु ।’