Saroj Poudel
राजाराम डंगोल केवलपुर, पौष २३ । धादिङ थाक्रे गाउपालिका वडा नं. ९ केवलपुरमा संचालन भएको नेपाल स्काउटको बि.टि.सी. तथा पि.टि.सी. तालिम सम्पन्न भएको छ । नेपाल स्काउट धादिङको सहयोग तथा थाक्रे गाँउपालिकाको आयोजनामा भएको कार्यक्रम आज सम्पन्न भएको हो । थाक्रे गाउपालिकाका अध्यक्ष रामकुमार आचार्य को अध्यक्षतामा समापन भएको कार्यक्रममा नेपाल स्काउट राष्ट्रिय तदर्थ समितिका संयोजक लोक बहादुर भण्डारीको प्रमुख आतिथ्यता रहेको थियो । कार्यक्रममा थाक्रे गाउपालिकाका उपाध्यक्ष अम्विका रुपाखेती, नेपाल स्काउट धादिङका आयूक्त विनोदमान श्रेष्ठ, नेपाल रेडक्रस सोसाइटी धादिङका सभापती सिताराम कोइराला थाक्रे गाउपालिकाका विभिन्न वडाका वडा अध्यक्षहरु लगायतको आतिथ्यता रहेको थियो ।
पौष १८ गते देखी पौष २३ गते सम्म संचालन भएको तालिमको विषयमा कार्यक्रमका प्रमुख अतिथी भण्डारी ले सत्कर्म, कर्तब्यनिष्ठ, अनुसासित तथा राष्ट्रप्रेमी जनशक्ति उत्पादनमा नेपाल स्काउटको भुमिका उल्लेख्य रहेको बताउनु भयो साथै उहाँले आजको विद्यार्थी समुहलाई दुब्र्यसनीबाट छुटकारा दिलाउन तथा राजनितिक पूर्वाग्रह बाट पनि बाहिर निकाल्नको लागि प्रत्येक विद्यालयमा स्काउट गठन गरी स्काउट शिक्षक उत्पादन गर्नुपर्ने बताउनु भयो । त्यस्तै कार्यक्रममा बोल्दै थाक्रे गाउपालिकाका अध्यक्ष रामकुमार आचार्यले थाक्रे गाउपालिकालाई नमुना बनाउन आफुले सदैव सबैको हितमा कार्य गर्ने बताउनु भयो । साथै उहाले थाक्रेको निति तथा कार्यक्रम बनाईरहदा असल विद्यार्थी उत्पादन गर्न प्रेरित भई बजेट विनियोजन गरेको बताउनु भयो । नेपाल स्काउट संग कार्यान्वय गरी थाक्रे गाउपालिकाका सबै विद्यालयमा पनि स्काउटका विभिन्न खाले कार्यक्रम पनि संचालन गरिने पनि बताउनु भयो ।
फोटो फिचर
Upendra Adhikari
