धादिङको गल्छी गाउँपालिका–६ महेश दोभान सडकमा लेदो जमेपछि पृथ्वी राजमार्ग अवरुद्ध
१२ असार २०७६, धादिङ्ग
भगवान भण्डारी,
पृथ्वी राजमार्गको धादिङ खण्डमा सडकमा लेदो जमेपछि बिहानैदेखि सडक अवरुद्ध भएको छ । रागमार्ग अन्तर्गत धादिङको गल्छी गाउँपालिका–६ महेश दोभानमा गए राति २ बजे देखि परेको बर्षाको कारण लेदो माटो बग्न थालेपछि सडक अवरुद्द भएको प्रहरीले जनाएको छ ।
सडक अवरुद्ध भएसँगै धेरै गाडी बाटोमै रोकिएका छन् । अहिले लेदो माटो सडकबाट हटाउने प्रयास भैरहेको प्रहरीले जनाएको छ । सडकभन्दा माथिल्लो भागमा बालुवा निकालिएको र अविरल वर्षा भएपछि सडकमा लेदो जमेको हो ।
