Saroj Poudel
राजाराम डंगेल फागुन २२ महादेववेशी । धादिङको महादेववेशीमा अन्तराष्ट्रिय महिला दिवसको अबसरमा लैगिङ बिभेद र लागुपदार्थ दुब्र्यसन बिरुद्ध नाटक प्रदर्शन तथा सचेतना मुलक कार्यक्रम सम्पन्न भएको छ । महिलाहरुमा हुने शारिरीक तथा मानसिक हिँसालाई निर्मुल पार्ने उदेश्यले आयोजित कार्यक्रममा बतृत्वकला प्रतियोगीता, लिङ्गको आधारमा महिलाहरुमा काममा हुने बिभेद, ज्यालामा हुने बिभेद लगायतका बिषयमा गित तथा नाटक प्रस्तुत गरिएको थियो ।कार्यक्रममा चन्द्र ज्योति एकिकृत ग्रामिण बिकास समाज सिड्स नेपाल धादिङ , मिलीजुली महिला बचत तथा ऋण सहकारी सँस्था लिमिटेड सामुदायिक प्रहरी साझेदारी कार्यक्रम, ईलाका प्रहरी कार्यालय खानीखोला, उज्यालो भबिष्य महिला समुह र थाक्रे युवा समाज नेपालको सँयुक्त आयोजनामा सहयोगी सँस्थाको रुपमा सँस्थागत बिकास सञ्जाल ललितपुर नेपाल र युएमएन धादिङ सहभागी रहेका थिए ।
१०९औँ अन्तराष्ट्रिय महिला दिवस यहि मार्च ८ मा मनाईँदैछ । लैगिक समानताका लागी सोच र ब्यबहार : समृद्धिको आधार भन्ने मूल नाराका साथ सञ्चालन भएको कार्यक्रममा प्रमुख अतिथीका रुपमा नेपाल कम्युनिष्ट पार्टीका नेता नेत्रराज पौडेल रहनुभएको थियो ।
कार्यक्रममा देखाईएको नाटकमा महिला र पुरुषमा हुने असमान ज्याला र महिलाहरु आफुले काम गर्ने स्थानमै कसरी लैगिक हिँसामा पर्छन् भन्ने देखाईएको थियो । कार्यक्रममा जिल्ला समन्वय समीतका सदस्य उर्मिला रेग्मीले देशका ठुला तहमा महिला रहेको र नेपालको सँबिधानमा जुनसुकै क्षेत्रमा पनि महिला सहभागीता ४० प्रतिशत भन्दा माथी रहेकाले अझ शसक्त भएर अगाडी बढ्नु पर्ने बताउनुभयो ।
अछुतेश्वर महादेव मन्दीर परिसर मा भएको कार्यक्रम धादिङमा संचालनमा रहेका रेडियो धादिङ, कृषि रेडियो, रेडियो राजमार्ग, रेडियो मान्खु, रेडियो बिहानी, निलकन्ठ एफ.एम. लगायतले प्रत्यक्ष प्रसारण गरेका थिए ।
Upendra Adhikari
