देश विकास

धादिङ २५ असोज । धादिङमा मंगलबार मात्र ९० जनामा डेंगु संक्रमण पुष्टि भएको छ । स्वास्थ्य कार्यालय धादिङले दिएको जानकारी अनुसार पछिल्लो २४ घण्टामा जिल्लाका ५४ पुरुष र ३६ महिला गरी ९० जना डेंगुका नयाँ संक्रमित थपिएका छन् ।
यो सँगै जिल्लामा डेंगु बिरामीको संख्या १ हजार ८६ पुगेको छ । जिल्लाका ६ सय ११ जना पुरुष र ४ सय ७२ जना महिला गरी १ हजार ८६ जनामा संक्रमण पुष्टि भएको छ । जसमा सबैभन्दा धेरै संक्रमित नीलकण्ठ नगरपालिकामा ६ सय ५७, गजुरी गाउँपालिकामा ८१ र त्रिपुरासुन्दरी गाउँपालिकामा ५४ जना धुनिबेशी नगरपालिकामा ३१, गल्छी गाउँपालिकामा ३६, ज्वालामुखी गाउँपालिकामा ४५, बेनिघाट रोराङ गाउँपालिकामा २०, सिद्धलेक गाउँपालिकामा २२, थाक्रे गाउँपालिकामा ८, नेत्रावती डवजोङ गाउँपालिकामा ६, रुवीभ्याली गाउँपालिकामा ८ जना, गंगाजमुना गाउँपालिकामा १२ र खनियाबास गाउँपालिकामा १ जनामा डेंगु संक्रमण पुष्टि भएको स्वास्थय कार्यालयले जनाएको छ ।