धादिङ्गको गल्छि गाउँपालिका ४ मा स्कुले बालिकामाथी जबरजस्ति गर्न खोज्ने एक जना पक्राउ
१८ मंसिर २०७६, बुधबार ।
भगवान भण्डारी, धादिङ्ग जिल्ला गल्छि गाउँपालिका वडा नं. ४ मा विद्यालयबाट घर फर्कने क्रममा एक बालिकामाथि जबरजस्ति गर्ने प्रयास गरिएको छ । मकवानपुर जिल्ला मकवानपुरगढी गाउँपालिका ३ घर भई हाल धादिङ्गको गल्छि गाउँपालिका वडा नं. ६ बस्ने २१ वर्षको नारायण प्रसाद दाहालले १६ वर्षे बालिकालाई झ्यालागैरा भन्ने स्थानमा बलात्कार गर्ने प्रयास गरेका हुन् ।
ढुङ्गााले बालिकाको टाउकोमा प्रहार गरी जवरजस्ति गर्ने प्रयास गरिएको भन्ने सुचनाको आधारमा उनलाई स्थानीयको सक्रियतामा प्रहरीले पक्राउ गरेको छ । अहिले जिल्ला प्रहरी कार्यालय धादिङ्गमा जवरजस्ति उद्योग अपराधमा मुद्धा दर्ता गरी थप अनुसन्धान भईरहेको जिल्ला प्रहरी कार्यालय धादिङ्गले जानकारी दिएको छ ।
