Saroj Poudel
राजाराम डंगाेल थाक्रे धादिङ ,१९ वैशाख । धादिङको थाक्रे गाउँपालिका वडा नं २ महादेवबेसी नजिकै बाह्र किलो भन्ने ठाउँमा चारवटा सवारी आपसमा ठोक्किदाँ एक वस र एक माेटरसाइकल जलेर नष्ट भएकाे छ ।
मुग्लिनबाट काठमाडौँतर्फ जाँदै गरेको ना ६ ख २७८१ नम्बरको सिमेन्ट बोकेको ट्रकमा बा ७५ प ६०५१ नम्बरको मोटरसाइकल बुधबार बिहान ठोक्किएको हो ।
मोटरसाइकलाई जोगाउने क्रममा ट्रक गजुरी तर्फ जादै गरेको बा २ ग २४६३ नम्बरको नेपाली सेनाको ट्रकमा ठक्कर खाएको थियो । त्यसको लगत्तै धादिङबेसीबाट काठमाडौँ जाँदै गरेको बा ३६ प ४२३९ नम्बरको मोटरसाइकल ट्रकमा ठोक्किन पुग्दा आगलागी भएको हाे।
आगलागीबाट ना ६ ख २७८१ नम्बरको ट्रक र बा ७५ प ६०५१ नम्बरको मोटरसाइकल पूर्ण रुपमा जलेर नष्ट भएकाे छ । आगो नियन्त्रण को लागि नेपाल प्रहरी ,नेपाली सेना,ससस्त्र,स्थानीयवासी र दमकल को साथै स्काई भेटर समेत प्रयोग गरियको इलाका प्रहरी खानिखोला का प्रमुख जीवन निरौलाले बताउनु भयो।
दुर्घटनास्थलमा थाक्रे गाउँपालिका अध्यक्ष रामकुमार अाचार्य समेत पुग्नुभएकाे थियाे ।
दुर्घटनामा मोटरसाइकलमा सवार तनहुँ भानु नगरपालिका का २८ बर्सिय प्रेम बहादुर भुजेल र सर्लाही हरिवन ७ का २९ बर्सिया एक बहादुर बस्नेत घाईते भएको ईलाका प्रहरी कार्यलय खानिखोलाले जानकारी दिएको छ ।
दुर्घटना पछि केहि समय सवारी साधन अवरुद्ध समेत भएको थियो । देशबिकास डटकम सङ्ग कुरा गर्दै हाइवे मा बढी लापरबाही ओभर स्पिड र ओभरटेकको कारण दुर्घटना भएको र बिगत को आर्थिक बर्ष भन्दा यो बर्ष न्यूनीकरण भएको खानिखोलाका प्रमुख जीवन निरौला ले बताउनु भयो।
Upendra Adhikari
