धुनिबेशी नगरपालिकाले सुरु गर्याे व्यवसाय दर्ता तथा कर सँकलन अभियान
धादिङ , १० वैशाख । धादिङको धुनिबेशी नगरपालिकाले व्यवसाय दर्ता तथा कर सँकलनको अभियान सुरु गरेको छ ।
स्थानिय सरकार सञ्चालन ऐन २०७४ अनुसार वडा नम्बर ७ बाहेकका वडाहरुमा शिविर राखेर व्यवसाय दर्ता तथा कर सँकलन अभियान सुरु गरेकाे हाे । वडा नम्बर ७ मा भने यहि बैशाख १९, २० र २१ गते अभियान सन्चालन हुने छ ।
शिविरमा व्यवसायिक विवरण अद्यावधिक गर्ने, मालपोत, व्यवसाय कर, घरभाडा लगायतका कर सँकलन हुनुका साथै व्यापारीक फर्म दर्ता तथा सुचिकृत समेत गरीने छ ।
