Saroj Poudel
राजाराम डंगोल धार्के धादिङ २०७६ असार १३, धादिङको धुनिबेशी नगरपालिका ५ अमलेचौरमा स्वास्थ्य सञ्चार सम्बन्धी १ दिने सचेतना कार्यक्रम सम्पन्न भएको छ । स्वास्थ्य प्रर्वद्धनका लागि धुनिबेशी नगरपालिका स्वास्थ्य शाखाको आयोजनामा कार्यक्रम सम्पन्न भएको हो । धुनिबेशी नगरपालिका वडा नम्बर ५ का वडा अध्यक्ष कृष्ण कुमार रेग्मी को अध्यक्षतामा सम्पन्न कार्यक्रममा मेरो वर्ष अभियान, महामारी, सर्ने नसर्ने रोग, प्रजनन तथा बाल बातावरण लगायतको बारेमा उपस्थित हरुलाइ जानकारी गराईएको थियो ।
धुनिबेशी नगरपालिकाको स्वास्थ्य शाखाका प्रमुख शिवहरी भट्ट ले कसैलाई पनि रोग नलागोस यदि कुनै पनि ठाउँमा रोगदेखे खबर गर्न उपस्थित हरुलाइ आग्रह गर्नु भएको थियो । कार्यक्रममा मेरो वर्ष अभियानको बारेमा जिवनपुर स्वास्थ्य चौकीका प्रमुख सत्यनारायण शाहले मेरो वर्ष भनेको क हो भन्ने बारेमा जानकारी गराउनु भएको थियो । कार्यक्रममा सहभागीहरुले विभिन्न ५ प्रतिबद्धता पनि जनाएका छन् । यस्तै कार्यक्रमका प्रमुख अतिथि नगर प्रमुख बालकृष्ण आचार्यले नगरमा एम्बुलेन्सको व्यवस्था हुन लागेको भन्दै सबै वडामा स्वास्थ्य केन्द्र स्थापना हुने बताउनु भयो । नगर ले स्वास्थ्य सचेतनाका लागि धेरै योजनाहरु रहेको बताए । वडा नम्बर ५ का अध्यक्ष कृष्ण कुमार रेग्मीको अध्यक्षतामा भएको कार्यक्रममा नगरप्रमुख बालकृष्ण आचार्यको प्रमुख आतित्थ्यता, उपप्रमुख निरु खरेल , दिपक लामिछाने सुबोध , बासु बस्कोटा वडा सदस्यहरु लगायतको आतित्थ्यता रहेको थियो ।
भने सो कार्यक्रम पछि निशुल्क स्वास्थ शिविर पनि सञ्चालन गरिएको थियो । शिविरमा प्रेसर, सुगर तथा चर्मरोग लगायतको जाँच गरिएको थियो ।
Upendra Adhikari
