धुनिवेशी नगरपालिकाको एकिकृत विकासका लागि कार्यशाला ।

भरत रेग्मी, धार्के । पाैष २६

धुनिवेशी नगरपालिकाको दिर्घकालिन एकिकृत विकासका लागि २ दिने कार्यशाला गोष्ठिको आयोजना गरिएको छ ।
सडक, खानेपानी, शिक्षा, स्वास्थ्य, संचार लगायतका पुर्वाधारलाइ एकिकृत रुपमा कसरि विकास गर्न सकिन्छ भन्ने वारेमा दिर्घकालिन योनजा निर्माणका लागि गोष्ठिको आयोजना गरिएको हो ।
काठमाडौ, भक्तपुर, ललितपुर, धादिङ, नुवाकोट र मकवानपुर जिल्लाका विभिन्न नगरपालिकाहरुको एकिकृत विकास गरि यस क्षेत्रका जनताहरुलाइ दिगो पुर्वाधारमा पहुँच पुर्याउने उद्देश्यका साथ संचालित एकिकृत शहरी विकास आयोजना अन्तरगत यस कार्यक्रमको आयोजना गरिएको हो ।
कार्यक्रममा नगरापालिकाका वडा अध्यक्षहरु, वडा सदस्यहरु, नगरकार्यपालिकाका सदस्यहरु एवं नगरपालिका भित्रका कृषक, व्ययसायी, राजनितिक दलका प्रतिनिधि, सहकारिका प्रतिनिधि, नागरिक समाजका प्रतिनिधि, उपभोक्ता समितिका पदाधिकारीहरु लगायत विभिन्न सरोकारवालाहरुको सहभागिता रहेको थियो ।
कार्यक्रमा बोल्दै प्रदेशसभा धादिङ क्षेत्र नं १ का सांसद एवं पुर्व स्थानिय विकास मन्त्रि राजेन्द्र प्रसाद पाण्डेले तोकिएकै समयमा योजनाहरु कार्यन्वयन गर्न नसक्दा स्थानिय सरकारको प्रभावकारितामा प्रश्न उठ्ने गरेको बताउनु भयो । उहाँले धुनिवेशी नगरलाइ कृषि वा औद्योगीक क्षेत्र के बनाउने हो भन्नेमा पहिले नगरवासीहरुले निर्णय गर्नुपर्ने बताउनु भयो ।
मनमोहन अधिकारी सहकारि विश्वविद्यालयको स्थापना र आयुर्वेदिक चिकित्सा क्याम्पस को स्थापनाले धादिङ जिल्लाको छुट्टै पहिचान दिनेमा आफु निश्चिन्त रहेको बताउनु पाण्डेकाे भनाइ थियो । उहाँले एकिकृत वस्ति विकास, उच्च पहाडि क्षेत्रमा जडिवुटि एवं किवि लगायतका उच्च मुल्यमा विक्रि हुने उपजहरुको खेति गरेमा कृषहरुको जिवनस्तर उकासीने विश्वास व्यक्त गर्नुभयो ।

कार्यशालामा नगरपालिकाका प्रमुख वालकृष्ण आचार्यले नगरपालिकाले दिर्घकालिन विकासका लागि तय गरेका केहि योजनाहरुका बारेमा जानकारि प्रदान गर्नु भयो जसमा नगर भरिका २०४ वटा सडकहरु मध्य १२ वटा सडकहरुको स्तरोन्नति गरिने र नगरबस सञ्चालन गरिने, नगरपालिकामा मनोरञ्जन पार्क, वृद्ध वृद्धा विश्राम स्थल निर्माण, पहाडि एकिकृत वस्ति निर्माण, धार्मिक पर्यटकिय स्थलको विकास आदि रहेको बताउनुभयो । कार्यक्रममा नेकपा धुनिवेशीका रामराजा पाण्डे, दिपक लामिछाने तथा नेपाली काँग्रेसका नगरसभापती दिपेन्द्र पाठकले दिर्घकालिन विकासका लागि आ–आफ्नो धारणा राख्नु भयो ।