Saroj Poudel
काठमाडौं । राजधानीको व्यस्त शहरमा आमाको उपचार गराउन आएकी महिला नक्कली डाक्टरबाट बलात्कृत बनेकी छिन् ।
अस्पतालमा आमाको उपचारका लागि पुगेकी ती युवतीलाई आफू पनि डाक्टर भएको बताउँदै पाल्पा तानसेन–११ घर भइ हाल काठमाडौं–२६ बस्दै आएका २७ वर्षीय अर्जुन कोइरालाले बलात्कार गरेको काठमाडौं प्रहरी परिसरले जनाएको छ ।
अर्जुनले आफ्नो नाम सन्तोष घले बताएको र अस्पतालका डाक्टरहरुसँग आफ्नो राम्रो चिनजान भएको भन्दै आमाको उपचारमा सहयोग गर्ने आश्वासन दिएर बलात्कार गरेको महानगरीय प्रहरी वृत्त, महाराजगञ्जमा जाहेरी दिएकी छिन् । अर्जुनले महिलालाई सामाखुशीस्थित आफ्नो सानी आमासँग भेट गर्न लैजाने भन्दै मित्रनगरस्थित फूलबारी गेष्ट हाउसमा लगेर बलात्कार गरेको पीडितले दिएको जाहेरीमा उल्लेख छ । पीडित महिलाको जाहेरकीका आधारमा अभियुक्त कोइरालालाई प्रहरीले पक्राउ गरेको छ ।
कोइराला यसअघि नेपाली सेनाको जवान रहेको खुलेको छ । त्यहाँ पनि उनी जबरजस्तीकरणी मुद्दामा परेर बर्खास्त भएका थिए ।
कोइरालाले बयानका क्रममा आफूले जबरजस्तीकरणी स्वीकारेको प्रहरीको भनाई छ । कोइरालालाई बिहीबार जिल्ला अदालतबाट ५ दिनलार्इ म्याद थप गरी विस्तृत अनुसन्धान सुरु गरिएको प्रहरीले जनाएको छ ।
Upendra Adhikari
