प्रथम महादेबबेसी मिनी महोत्सबमा दर्शकको भिड
राजाराम डंगोल थाक्रे, धादिङ, २२ वैशाख । धादिङको थाक्रे ११ महादेववेसी मा संचालन भईरहेको प्रथम महादेबबेसी मिनी महोत्सबको ९औँ दिन आज मेला हेर्नको लागि दर्शकको घुँइचो लागेको थियो ।
थाक्रेको पर्यटन पर्बद्धन गर्ने उद्देश्यले संचालन गरिएको मेलामा विभिन्न घरायसी सामान, आधुनिक कृषि औजार लगायत विभिन्न खाद्य परिकारहरुको स्टल का साथमा बिभिन्न मनोरन्जनात्मक खेलहरु रहेको मेलामा आज ९औँ दिन करिब ७ हजार ५ सय दर्शकले मेलाको अवलोकन गरेको मेला मुल आयोजक समितिका सदस्य सचिब अरुण कुमार लामाले जानकारी दिनुभयो ।
थाक्रे गाँउपालिका वडा नं. ११ महेशखोला किनारमा भएको मिनि महोत्सबको ९औँ दिन आज लोक तथा दोहोरी गायक पशुपति शर्मा , गायिका कला पङ्गेनी , गायिका समिता श्रेष्ठ र गायिका तथा कार्यक्रम प्रस्तोता शोभा त्रिपाठी लगायतका कलाकारहरुको प्रस्तुती रहेको थियो ।
उज्यालो भविश्य महिला समुह र मिलिजुली महिला बचत तथा ऋण सहकारी संस्थाको मुख्य आयोजना तथा न्यू स्टार क्लब महादेबबेसी, महादेबबेसी स्पोर्टस क्लब, थाक्रे कला केन्द्र देब विकास बैङ्क, हर फार्म नेपालको साथ र सहयोगमा संचालन भएको मिनि महोत्सब यहि बैशाख २४ गते सम्म संचालन हुनेछ ।
