प्रधानमन्त्री ओलीसँगै राजेश हमाल र दिनेश डिसी पनि भारत भ्रमणमा जाने
काठमाडौँ । शुक्रबार हुने प्रधानमन्त्री केपी शर्मा ओलीको भारत भ्रमण यतिबेला गरमागरम भएको छ ।
प्रधानमन्त्री केपी शर्मा ओलीको राजकीय भ्रमणमा महानायक राजेश हमाल र कलाकार दिनेश डिसी पनि जाने खबर सार्वजनिक भए पछि सबैले चासोका साथ हेरेका छन् ।
तीनदिने राजकीय भ्रमणका लागि शुक्रबार बिहान दिल्ली प्रस्थान गर्न लागेका ओलीले नेपाली चलचित्र क्षेत्रका महानायक राजेश हमाल र कलाकार दिनेश डिसीलाई पनि लैजाने बालुवाटार स्रोतले जनायो ।
ओलीले आफ्नो भ्रमणका क्रममा पुरानी सम्झौता कार्यान्वयनमा जोड दिने बताउँदै आउनु भएको छ । ओलीले पर्सि शनिबार समकक्षी नरेन्द्र मोदीसँग भेटवार्ता गर्नुहुनेछ ।
