फेसबुकमा स्टाटस लेख्दा नेविसंघका नेता प्रहरी खोरमा
१७ चैत्र,रौतहट । अहिले फेसबुक, ट्वीटर जस्ता सामाजिक सञ्जालहरुमा मनोमानी स्टाटस लेख्ने, कमेन्ट गर्नेहरुले सचेत हुनुपर्ने भएको छ ।
समाजिक सञ्जालमा पत्रकार विरुद्ध भ्रामक स्टाट्स लेखेको निहुँमा रौतहटमा नेपाल विद्यार्थी संघका केन्द्रीय सदस्य राजाबाबु साहलाई प्रहरीले पक्राउ गरेको छ ।
स्थानीय पत्रकार सञ्जय मिश्राले आफूविरुद्ध विभिन्न भ्रामक स्टाट्स लेखेको भन्दै साहविरुद्ध प्रहरीमा उजुरी दिएका थिए ।
पत्रकार मिश्राले दिएको लिखित उजुुरीको आधारमा कटहरिया नगरपालिका – ५ का साहलाई पक्राउ गरीको हो । साहले पत्रकार मिश्राको सामाजिक प्रतिष्ठामा आँच आउने गरी विभिन्न भ्रामक शब्द राखेर पछिलो एकसातायता फेसबुकमा स्टाटस लेख्दै आएको जिल्ला प्रहरी कार्यालयले जनाएको छ । थप अनुसन्धान भइरहेको प्रहरीले जनाएको छ ।
घट्नाको नेपाल पत्रकार महासंघ रौतहट शाखा, प्रेस चौतारी र प्रेस सेन्टर रौतहटले विज्ञप्ति जारी गर्दै पत्रकारको मर्यादा विपरीत गतिविधि गर्ने साह माथि कडा कारबाहीको माग गरेको छ ।
