बजारमा पाँच सयको नयाँ नोट, नोटमा एउटा मात्रै पाटेबाट
काठमाडौँ, १४ वैशाख । सरकारले ५ सय रुपैयाँको नयाँ नोट बजारमा ल्याएको छ । नयाँ निस्किएको नोटमा एउटामात्र पाटेबाघको चित्र रहेको नेपाल राष्ट्र बैंकले जनाएको छ ।
अब नयाँ र पुराना दुवै पाँच सयको नोट चल्ने नेपाल राष्ट्र बैंकले जनाएको छ । नयाँ नोटको अगाडिको भागमा बायाँतर्फ सगरमाथा हिमालको चित्र छ भने दायाँतर्फ लालीगुराँसको पानी छाप छ ।
यस्तै नोटको तल्लो भागमा गर्भनर डाक्टर चिरन्जिवी नेपालको दस्तखत रहेको राष्ट्र बैंकले सार्वजनिक सूचना निकालेर जानकारी गराएको छ । विज्ञप्तिमा भनिएको छ : नयाँ नोटको बायाँतर्फ सगरमाथाको चित्र राखिएको छ ।
यस्तै, नोटको दायाँतर्फ लालीगुराँसको पानि छाँप रहेको छ । नोटाको तल्लो भागमा गर्भनर डाक्ट चिरंजीबि नेपालको दस्तखत रहेको छ भने ३.५ मि.मी. चौडा भएको रंग परिवर्तन हुने सुरक्षण धागो रहेको छ ।
सगरमाथा हिमालको दायाँतर्फ तल्लो भागमा रहेको अण्डाकार भित्र रंग परिवर्तन हुने कुबेरको चित्र राखिएको र लालीगुराँसको पानी छाँपको बायाँतर्फ फरक क्षमता भएका (दृष्टिविहीन)हरुले छामेर नोट पहिचान गर्न सक्ने गरी दुईवटा कालो थोप्लाहरु रहेको छ ।
यस्तै नोटको माथिल्लो भागमा अंग्रेजीमा Nepal Rastra Bank लेखिएको विज्ञप्तिमार्फत राष्ट्र बैंकले जनाएको छ ।
