बाजुराको स्याउ पहिलोपटक राजधानीमा

१४ असोज २०७६ ।

बाजुराको अर्गा्निक स्याउ पहिलो पटक काठमाण्डौं र्पुयाइएको छ । सामुदायिक विउ बैङक तथा खाद्य उपभोक्ता कृषि सहकारी संस्था बाजुराले गत बुधवार बाजुराको पिलुचौरबाट लगेको स्याउ सोमबार राजधानी र्पुयाएको संस्थाका सचिव सतल विकले बताउनुभयो ।

यस अघि बजार अभावमा बारीमै कुहिने स्याउ पहिलो पटक बजारीकरण हुन थालेको हो । सहकारी संस्थाले राजधानीमा रहेको गोल्यान कम्पनीले माग गरे अनुसार स्याउ र्पुयाइएको जनाएको छ । कृषि सहकारी संस्थाका सचिव विकले काठमाण्डौंको गोल्यान कम्पनीले १४ टन स्याउ माग गरेको र हाल ७ टन स्याउ र्पुयाइएको बताएका छन् ।

कृषि ज्ञान केन्द्र बाजुराले बाजुरामा उत्पादन भै रहेको स्याउलाई बजार सम्म र्पुयाउनका लागि बगैंचादेखि बाटो पुगेको ठाउँ सम्मको ढुवानीमा अनुदान र स्याउ प्याकिङका लागि काटुन समेत उपलब्ध गराए पछि अहिले बाजुराको स्याउ देशका मुख्य शहरमा पुग्न थालेको हो ।

कृषि सहकारी संस्थाहरुले धनगढी, नेपालगंज लगायतका बजारमा र्पुयाएका छन । तर बाजुरा देखि शहर सम्म पुग्नका लागि बाटोको समस्याका साथै कर्णाली राजमार्ग जोड्न कर्णाली नदीमा पुल नहुदा ढुवानीमा केहि समय लागेको र अप्ठेरो भएको उनीहरुले बताएका छन ।

कालिकोटको जितेगडामा पुल नहुदा सवै स्याउ श्रमिकबाट ढुवानी गर्नु परेको होे ।
हाल बाजुराको स्वामीकार्तिक खापर गाउँपालिकाका फलेका सो स्याउ सहकारी संस्थाले राजधानी र्पुयाएको जनाएको छ । जिल्लाका स्वामीकार्तिक, जगन्नाथ, हिमाली, गौमुल गाउँपालिका र बुढीनन्दा नगरपालिकामा स्याउ उत्पादन हुने गरेको छ ।