Saroj Poudel
बुटवल वडा नंं ८ सुख्खानगरमा रहेको भाटभटेनी सुपरमार्केटमा आगलागी भएको छ । बिहान ४ बजेदेखि लागेको आगो अहिलेसम्म नियन्त्रणमा आउन सकेको छैन।
सुपरमार्केटको सबैभन्दा माथिल्लो तल्लामा लागेको आगो नियन्त्रणमा गर्न पनि कठिनाई भएको छ।
सबै विद्युतीय सामाग्री रहेको पाँचौ तल्लामा आगो लागेको र वरिपरी घरहरु समेत नभएका कारण नियन्त्रणको लागि समस्या भएको प्रहरीले जनाएको छ।
बुटवल उपमहानगरपालिका र सिद्धार्थनगर नगरपालिकाको दुई वटा दमकल आएर आगो निभाउने प्रयास गरिए पनि नियन्त्रण गर्न नसकिएको प्रहरीले जनाएको छ।
आगलागी कारण खुल्न नसके पनि विद्युत सर्ट भएका कारण लागेको हुन सक्ने प्रहरीले अनुमान गरेको छ।
सुपरमार्केट बुटवलमा गतवर्ष बैशाख १ गतेदेखि सञ्चालनमा आएको थियो।
Upendra Adhikari
