भुवनेश्वरी मा. वि. मा संचालन भइरहेको फुटबल प्रतियोगिता सम्पन्न ।
भरत रेग्मी धादिङ, असोज २२ । धादिङको धुनिबेशी नगरपालिका वडा नं. ५ पुरोधार्केमा रहेको भुवनेश्वरी माध्यमिक विद्यालयमा सञ्चालन भइरहेको अन्तर सदनात्मक छात्र फुटबल तथा अन्तर कक्षा छात्रा फुटबल प्रतियोगिता सम्पन्न भएको छ ।
२०७५ साल असोज १९ गते बाट सुरु भएको फुटबल प्रतियोगिता आज सम्पन्न भएको हो । विद्यालयका रातो, पहेलो, हरियो तथा निलो सदनका विचमा भएको प्रतिस्पर्धा मा हरियो सदनले प्रथम स्थान हासिल गर्न सफल भएको छ । त्यस्तै रातो सदन दोस्रो पहेलो सदन तेस्रो र निलो सदन सान्तवना भएका छन ।
त्यस्तै छात्राहरुले पनि फुटबल खेल्न सक्छन भन्ने कुरालाई आत्मसाथ गर्दै विद्यालयले अन्तरकक्षा छात्रा फुटबल प्रतियोगिता पनि आयोजना गरेको थियो । उक्त प्रतियोगितामा कक्षा १० लाई पराजित गर्दै कक्षा ९ ले प्रथम स्थान हासिल गर्न सफल भएको थियो ।
दशैँ तिहार तथा छठको अवसर पारेर सञ्चालन गरिएको खेलकुद प्रतियोगितामा विद्यालयका शिक्षक विद्यार्थी अभिभावक , स्थानिय बासी तथा खेलप्रेमी दर्शकहरुले खेलको अवोलोकन गरि खेलाडी भाईबहिनी हरुलाई हौषला प्रदान गर्नु भएको थियो ।
३ दिन सम्म सञ्चालन भएको प्रतियोगितामा विद्यालयकै पूर्व विद्यार्थी तथा फुटबल खेलाडी राजन भुजेल तथा सुजन अधिकारीले रेफ्रीको भुमिका निर्बाह गर्नुभएको थियो ।
