मधेसी दलमा भिडन्त !

काठमाडौं, २६ चैत । मधेसी दलभित्र विवाद हुनु ठूलो कुरा होइन तर अचेल एकले अर्कोलाई छिर्के हानेर राजपाभित्र भने समस्या सुरु भएको छ । राजपाले आन्तरिक झगडा नमिलाउँदा संसदीय दलको नेता पनि चयन हुन सकेको छैन । राजपाभित्र हुनत दुई धार छ सरकारमा जाने बारेमा पनि । त्यही धारको आधारमा आन्तरिक प्रतिस्पर्धा बढेपछि नेता चयनमा समस्या परेको स्रोत बताउँछ ।

२०७५ साल ८ बैशाख गते राजपाले राजनीतिक समितिको बैठकसमेत बोलाएको छ । त्यस बैठकपछि मात्रै नेता चयन हुनेछन् । अहिले संसदीय दलको नेताको लागि मुख्यतः तीनजना नेताले इच्छा देखाएको स्रोत बताउँछ । पार्टीको अध्यक्षको हैसियतमा महँथ ठाकुरा दावेदार देखिएका छन् । खासमा मौनजस्तो देखिने तर संसदीय दलको नेता हुन पाए हुने भन्दै आफू नभएसम्म नेता नछान्ने जस्तो मुडमा देखिएको एक सांसदले बताए । त्यसैले ठाकुरले आन्तरिक छलफल पनि चलाएका छैनन् ।

स्रोत भन्छ, सरकारमा जाने विषयमा प्रधामन्त्री केपी ओलीसँगको छलफलमा सकारात्मक देखिएका ठाकुर अरु दावेदारलाई मन्त्रीमा पठाएर आफू नेता हुन खोजेका पनि थिए । तर अर्को दावेदार महेन्द्र राय यादवले पहिला संशोधन अनि सरकार भनेर संसदमै बोलिदिएपछि ठाकुरा पछाडि हटे । साँघु साप्ताहिकमा खबर छ ।