महादेबबेशी – हल्थुम –गोगनपानी जोड्ने सडकको निर्माण समिति गठन ।
भरत रेग्मी, महादेबबेशी, धादिङ , १३ चैत्र २०७५ । धादिङको थाक्रे गाउपालिका वडा नं. ११ र गल्छि गाँउपालिका वडा नं. ८ जोड्ने महादेबबेशी – हल्थुम –गोगनपानी जोड्ने सडककको निर्माणका लागि सडक निर्माण समिति गठन गरिएको छ ।
थाक्रे गाउपालिका वडा नं. ११ का वडा अध्यक्ष रवि प्रकाश ओझाको अध्यक्षतामा बसेको सडक उपभोक्ताहरूको समुहले नवराज अर्यालको अध्यक्षतामा ९ सदस्यिय सडक निर्माण समिति गठन गरेको हो । समितिको उपाध्यक्षमा रदिप लामिछाने , सचिब राजन कुँवर, कोषाध्यक्ष चन्द्रकुमारी खतिवडा, सदस्यहरु उपेन्द्र रुपाखेती, मन्जु रुपाखेती, सिर्जना विडारी, सुरज थापा, तथा देवराज गर्तौला रहनु भएको छ ।
त्यसैगरी भेलाले सडकको निर्माण कार्यलाई चुस्त दुरुस्त राख्नको लागी ३ सदस्यिय अनुगमन समितिको निर्माण गरेको छ । अनुगमन समितिमा शुशिला अर्याल , बद्रि प्रसाद रुपाखेती र पुरुर्षोत्तम तामाङ रहनु भएको छ ।
चन्द्रज्योती ग्रामिण विकास समाज – सिड्स धादिङको प्राङ्गणमा भएको भेलामा जिल्ला समन्वय समिति धादिङका सदस्य उर्मिला रुपाखेती, सिड्स धादिङका कार्यकारी निर्देशक तथा समाजसेवी गोकर्ण रुपाखेती लगायत ६० जना उपभोक्ताहरुको उपस्थिती रहेको थियो ।
