यौन क्षमता वृद्धि गर्न सेवन गर्नुस् यी घरेलु सामाग्री

एजेन्सी । कमजोर यौन क्षमताका कारणले नै धेरै वैवाहिक सम्बन्धमा खटपट आएको हामीहरुले देख्दै र सुन्दै आइरहेका छौं । यौन सन्तुष्टि र क्षमता बढाउन मानिसहरु विभिन्न औषधीहरु सेवन गर्नुका साथै लाखौं रुपयाँ खर्चिरहेका हुन्छन् तर सन्तुष्टि प्राप्त गरिरहेका हुँदैनन् ।

यसका लागि आयुर्वेदले केही घरेलु सामाग्रीद्वारा प्राकृतिक निदान र क्षमतामा वृद्धि गर्ने सल्लाह दिन्छ ।

शिलाजीत हामीबीच सामान्य नाम हो । बजारमा यो केप्सूल र तेलको रुपमा पाइन्छ । गर्मी महिनामा हिमाली चट्टानबाट बर्सिने शिलाजीत एउटा पत्थरजस्तै पदार्थ हो । यसले शरीरको कमजोरीलाई हटाएर शरीरका तन्तुहरुबीच सम्पर्क बढाउँछ । यसले मानिसमा यौनइच्छा बढाउँछ । यौन क्षमता बढाउन तपाई चामलको दानाको आकारको शिलाजीतलाई गाईको घ्यु या महसँग सेवन गर्नुहोस् ।

शीलाजीतमा जस्तै अश्वगन्धमा पनि धेरै किसिमका चमत्कारी गुणहरु पाइन्छ । राती सुत्न अघि दुधसँग एक चम्ची अश्वगन्धको पाउडर सेवन गरियो भने यसले यौन क्षमतामा वृद्धि गराउनुका साथै शरीरमा रोग प्रतिरक्षा क्षमताको विकास गर्छ ।

सेतो मूसली शक्तिवर्दक आयुर्वेदिक जडिबुटी हो । यौन क्षमता बढाउनका लागि यो रामबाण सावित हुन्छ । यसले शुक्रकिट उत्पादनमा वृद्धि गर्छ । यसको एकचम्ची पाउडरलाई मिश्री र दूधको साथमा बिहान बेलुकी सेवन गर्दा परिणाममुखी हुन्छ ।

कुरिलो महिलाहरुका लागि अचुक औषधी मानिन्छ । यसले महिलाहरुमा यौन सम्पर्क गर्ने क्षमताको वृद्धि गर्छ । नेपालमा तरकारीको रुपमा प्रयोग हुने कुरिलोको सेवनले पुरुषमा पनि यौनइच्छा वृद्धि गर्छ । यसले कमजोर शुक्रकिट र पिसावको समस्यालाई पनि टाढा भगाउँछ । विहान दैनिक एक चम्ची गाईको घ्यु र मिश्रीको साथमा आधा चम्ची कुरिलो सेवन गर्दा यौन क्षमतामा सुधार आउनुका साथै शरीरका अन्य कमजोरी पनि टाढा भाग्छ ।