राष्ट्रिय फुटसल टोलीको प्रारम्भिक चरणमा २५ खेलाडी
१९ भदौ २०७६ ।
एएफसी फुटसल च्याम्पियनसिप छनोटका लागि नेपाली प्रारम्भिक राष्ट्रिय फुटसल टोलीको घोषणा भएको छ । इरानमा आयोजना हुने प्रतियोगिताका लागि अखिल नेपाल फुटबल संघ (एन्फा) को फुटसल कमिटीले बिहिबार २५ सदस्य प्रारम्भिक टोली फुटसल टोलीको घोषणा गरेको हो ।
बन्द प्रशिक्षणमा रहेका ३६ खेलाडीबाट दोस्रो चरणको छनोटका लागि २५ खेलाडी परेका हुन् । सेन्टर र साउथ जोनमा रहेको छनोटमा नेपाल समूह ‘बी’ मा रहेको छ । नेपाल रहेको समूहमा ताजकिस्तान, उज्वेकिस्तान र अफगानिस्तान रहेका छन् ।
नेपालले छनोटको पहिलो खेल कात्तिक ६ गते ताजकिस्तानसँग खेल्नेछ । छनोटको शीर्ष टिम फाइनल चरणमा छनोट हुनेछन् ।
प्रारम्भिक नेपाली टोली –
आदिल हामिद, आशिष लामा, विजय राना, अमित लामा, अनिष श्रेष्ठ, आरुज सिंह, विजय गुरुङ, विजय श्रेष्ठ, विनोद गुरुङ, दिपेश घले, जेनिश प्रजापति, मनि लामा, मनिश लामा, नविन लामा, नेत्रबहादुर श्रेष्ठ, निर्मल गुरुङ, रविचन्द्र थापा, रफी महर्जन, रुपेश क्षेत्री, संजोक चाम्लिन राई, सरोज तामाङ, सुरज गुरुङ, सुशान्त श्रेष्ठ, सुमित आले, उर्गेन शेर्पा
