‘विश्वकप जित्नु छ भने अर्जेन्टिनाले मेस्सीको स्तरमा खेल खेल्नुपर्छ’
काठमाडौँ, २८ जेठ । विश्वकपको दाबेदार मानिएको अर्जेन्टिनाले विश्वकप जित्न लियोनल मेस्सीको स्तरमा खेल खेल्नुपर्ने डिफेण्डर मास्चररानोले बताएका छन् ।
मास्चररानाले आफ्ना टोलीका अन्य मित्रहरुलाई यस्तो सुझाव दिएका हुन् । सन् २०१४ को विश्वकपमा चुके झै यसपटक पनि गल्ती नदोहोराउन उनले सुझाव दिएका छन् ।
अर्जेन्टिनाका लागि १४३ खेल खेलका उनले लियोनल मेस्सी उच्च फर्ममा रहेको र अन्य साथीहरुले पनि उत्तिकै स्तरमा खेल प्रदर्शन गर्न समेत भनेका छन् । पाँचपटक ला लिगा उपाधि जितेका मास्चररानो हाल चिनियाँ क्लबमा आवद्ध रहेका छन् ।
ग्रुप डी मा रहेको अर्जेन्टिनाले पहिलो खेल आइसल्याण्डसँग खेल्नेछ । सन् २०१४ को विश्वकपको फाइनल खेलमा अर्जेन्टिना जर्मनीसँग पराजित भएको थियो । तर, यसपटक भने विश्वकप जितेरै छोड्ने लक्ष्यमा अर्जेन्टिना रहेको उनले बताएका छन् ।
