सहकारीका कर्मचारीकाे काेराेना बिमा

धुनिबेशी । नेपालमा कोरोना भाइरस (कोभिड–१९)को संक्रमित दिन प्रतिदिन बढेसंगै जोखिमलाई मध्यनजर गर्दै धादिङको धुनिबेशि नगरपालिका वडा नं ७मा संचालित नक्षत्र बचत तथा ऋण सहकारी संस्थाले आफ्ना कर्मचारीहरुको कोरोना बिमा गराएको छ ।

बिश्व महामारिको रूपमा फैलिदै गैइरहेको नोबेल कोरोना भाइरस अर्थात कोबिड १९ को जोखिममा हरेक घर दैलोमा रकम संकलनको लागि पुग्नुपर्ने हुँदा जोखिममा परेको भन्दै प्रत्येकको रु १ लाख बराबरको कोबिड १९ बिमा धुनिबेशि नगरपालिकाको धार्केमा रहेको शिखर इन्स्योरेन्स कम्पनी लि. शाखा कार्यालयबाट गरिएको अध्यक्ष रघुनाथ पाठकले जानकारी दिनु भयो ।

यसअघि कोरोना भाइरसको बढ्दो महामारीमा कर्मचारी र सञ्चालक समितिका सदस्यहरुको सुरक्षालाई मध्यनजर गर्दै धादिङको धुनिबेशि नगरपालिका वडा नं ६मा रहेको श्री उदय कृषि बहुउद्देशीय सहकारी संस्थाको कर्मचारीको कोरोना बिमा गरेको थियो ।

कोरोना बीमा अन्तरगत बीमीतले बीमा गरेको १५ दिन पश्चात कोरोना संक्रमण पुष्टि ( पि.सि.आर रिपोर्ट पोजेटिभ ) भएमा बीमीतलाई तत्कालै भुक्तानी दिने गरी एक लाख रुपैया पाउने गरी बिमा गरिएको अध्यक्ष पाठकले जानकारी दिनु भयो ।

नेपालमा संचालित निर्जिवन बीमा कम्पनीहरुले लघु बीमा योजना अन्र्तगत पुल मार्फत ३ महिनादेखि ९९ वषर्सम्मका व्यक्तिले एक लाख र पचास हजार बराबरको व्यक्तिगत, पारिवारिक तथा सस्थागत कोरोना बीमा गर्दै आएका छन् ।