स्थानिय स्तरमै विद्यार्थीहरुले शिक्षा र प्रविधीको राम्रो ज्ञान पाउने उदेश्यका साथ धादिङको खानिखोलामा डियरवाल्क धुनिबेशी सेन्टरको सन्चालन
खानीखोला धादिङ । स्थानिय स्तरमै विद्यार्थीहरुले शिक्षा र प्रविधीको राम्रो ज्ञान पाउने उदेश्यका साथ धादिङको धुनिबेशी ८ खानिखोलामा डियरवाल्क धुनिबेशी सेन्टरको औपचारिक उद्घाटन गरिएको छ । शुक्रबार एक कार्यक्रमको आयोजना गरि डियरवाल्क ग्रुपका अध्यक्ष रुद्रराज पाण्डे र धुनिबेशी नगरपालिकाका उपमेयर निरु खरेलले सँयुक्त रुपमा सेन्टरको उद्घाटन गर्नुभएको हो ।
कार्यक्रममा उपमेयर खरेलले शिक्षा र प्रविधी सँग सम्बन्धित सेन्टरको स्थापना सँगै विद्यार्थीहरुमा सिकाईको क्षमता बढ्ने बताउनुभयो । नगरपालिकाको शिक्षामा विकास गर्नका लागि आफुहरु पनि सहकार्य र समन्वय गर्न तयार रहेको उहाँले बताउनुभयो ।
डियरवाल्क ग्रुपका अध्यक्ष रुद्रराज पाण्डेले डियरवाल्क धुनिबेशी सेन्टरको दिगोपनाका लागि स्थानिय सँघसँस्था तथा विद्यालय र स्थानिय निकाय सँगको सहकार्य आवश्यक रहेको बताउनुभयो । यसो हुँदा स्थानिय स्तरमै विद्यार्थीहरुले शिक्षा र प्रविधीको राम्रो ज्ञान पाउने र उपयोगि पनि हुने उहाँको भनाई छ ।
सेन्टरमा कम्प्युटर, भाषा, वेब पेज डिजाईन लगायत मल्टिमिडिया कक्षाहरु सन्चालन हुने डियरवाल्क धुनिबेशी सेन्टरका संचालक शेखर कार्कीले बताउनु भयाे ।
