देश विकास

नेपाल लेयर्स कुखुरापालक संघले अण्डाको नयाँ समर्थन मूल्य तोकेको छ । संघको बनेपा र काठमाडौँमा सम्पन्न भौतिक तथा भर्चुअल बैठकको निर्णय अनुसार नयाँ मूल्य निर्धारण गरिएको हो ।

संघले चितवनलाई आधार मानेर तोकेको नयाँ मूल्य आज देखि नै लागू भएको छ । संघका सचिव मदन पोखरेलका अनुसार एक्सएल अण्डा ५४५ रुपैयाँ, ठूलो अण्डा ५३० रुपैयाँ, मध्यम अण्डा ५०० रुपैयाँ र सानो अण्डा ४०० रुपैयाँ कायम गरिएको छ ।

यस्तै, उपभोक्ताका लागि प्रतिगोटा अण्डाको खुद्रा मूल्य २५ रुपैयाँ तोकिएको छ । संघले सम्पूर्ण व्यवसायी तथा सरोकारवालाहरूलाई तोकिएकै मूल्यमा कारोबार गर्न अनुरोध गरेको छ ।