आज भारत बन्द, दिनभर तनाव, सात जनाको मृत्यु
एजेन्सी । अनुसूचित जाति, जनजाति अत्याचार निवारण अधिनियम एसएसी एसटी एक्ट बारे सुप्रिम कोर्टको फैसलाको विरोधमा भारतमा हिंसा भड्किएको छ ।
भारतका दलित तथा आदिवासी जनजाति संगठनले देशभर विरोध प्रदर्शन गरेका छन् । कयौँ भू भागमा हिंस्रक प्रदर्शन भएको छ । केही ठाउँमा आगजनी र तोडफोडको घटना भएका भारतीय सञ्चार माध्यमले जनाएका छन् ।
मध्य प्रदेशमा भएको हिंस्रक प्रदर्शनमा ६ जनाको मृत्यु भएको छ । स्थिती तनावग्रस्त भएपछि त्यहाँ कफ्र्यू लगाइएको छ । यस्तै राजस्थानमा पनि एक जनाको मृत्यु भएको भारतीय प्रहरीले जनाएको छ ।
