Saroj Poudel
२७ माघ २०७६, सोमबार ।
चीनमा रहेका नेपालीहरुको उद्दारका लागि फागुन ३ गते नेपाल एयरलाइन्सको वाइड बडी चीन जाने भएको छ । चीनमा रहेका नेपालीहरूलाई लिन नेपाल एयरलाइन्सको वाइडबडी (एयरबस ३३०) विमान जाने भएको हो । कोरोना भाइरसको इपीसेन्टर मानिएको चीनको वुहानमा उद्दारको पर्खाइमा रहेका करिब १८० जना नेपालीहरुलाई बेइजिङस्थित नेपाली दूतावाससँगको समन्वयमा सरकारले उद्धार गर्ने भएको हो । वुहानमा अधिकांश अध्ययनका लागि गएका नेपालीहरु छन् ।
यसअघि चीनमा रहेका नेपालीका आफन्तहरुले आफ्ना छोराछोरीको छिटो उद्धार गरिदिन माग गर्दै गृह मन्त्रालय, पर्यटन मन्त्रालय, स्वास्थ्य मन्त्रालय, मानव अधिकार आयोग लगायतको ध्यानाकर्षण गराएका थिए । त्यससँगै स्वास्थ्य तथा जनसंख्या मन्त्रालयले चीनमा रहेका नेपाली विद्यार्थीहरुको स्वास्थ्य तथा अभिभावकहरुको चिन्ता र चासोलाई सम्बोधन गर्न एवं उद्दार तथा सुरक्षित व्यवस्थापन गर्न तदारुकता देखाएको हो । सरकारले चीनबाट नेपाल ल्याउने यात्रुको त्रिभूवन अन्तर्रा्ष्ट्रिय विमानस्थलमा स्वास्थ्य परीक्षण गरी संक्रमित यात्रुलाई उपत्यकाका तोकिएका अस्पतालहरुमा आइसोलेशन वार्डमा राखेर उपचार गरिने जनाएको छ । विश्वभर त्रास फैलाएको कोरोना भाइरसको संक्रमणबाट हालसम्म ९०८ जनाले ज्यान गुमाइसकेका छन् ।
Upendra Adhikari
